30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ռուսական զորքերն ավիահարված են հասցրել Խարկովին․ 1 զոհ, 7 վիրավոր կա
Քաղաքականություն
30.04.2024 | 13:33
Այսօր առավոտյան ռուսական զորքերը կառավարվող ռումբերով ավիահարված են հասցրել Խարկովին, որի հետևանքով մեկ մարդ է զոհվել։ Այս մասին հայտնել է Խարկովի շրջանային ռազմական վարչակազմի ղեկավար Օլեգ Սինեգուբովը, գրում է Current Time-ը։
Խարկովի քաղաքապետ Իգոր Տերեխովի տեղեկացմամբ՝ հարվածներ են հասցվել քաղաքի Խոլոդնոգորսկի և Կիևի շրջաններին, վնասվել են քաղաքացիական ենթակառուցվածքները։ Ռումբերից մեկը պայթել է Կիևի շրջանի այգու տարածքում։
Ավելի ուշ Տերեխովը հայտնել է, որ հարվածի հետևանքով վիրավորում է ստացել քաղաքի 7 բնակիչ։
Ապրիլի 29-ի երեկոյան էլ Խարկովի Կիևի շրջանի բնակելի բարձրահարկ շենքի վրա ավիահարվածի հետևանքով 42-ամյա տղամարդ էր վիրավորվել և հոսպիտալացվել։
Ռուսական զորքերը գրեթե ամեն օր հրթիռակոծում և ռմբակոծում են Խարկովը։
