07.10.2026 | 12:47
Դատախազությունը պահանջում է ՊԵԿ նախկին պաշտոնյայից հօգուտ պետության բռնագանձել 3 անշարժ գույք, մեքենա և շուրջ 450 մլն դրամ
ՌԴ-ում վեց ամսում քաղաքացիությունից զրկել են գրեթե 400 մարդու
Քաղաքականություն
30.04.2024 | 13:16
Ռուսաստանի իշխանությունները վերջին վեց ամսվա ընթացքում քաղաքացիությունից զրկել են քաղաքացիություն ստացած 398 անձի՝ տարբեր հանցագործությունների համար։ Այս մասին հայտնել են ՌԴ ՆԳՆ մամուլի ծառայությունից, գրում է The Moscow Times-ը։
Գերատեսչությունը պարզաբանել է, որ այդ անձանց ռուսական անձնագրերը չեղարկվել են «Ռուսաստանի Դաշնության քաղաքացիության մասին» օրենքի 24-րդ հոդվածի 1-ին մասի համաձայն, որն ուժի մեջ է մտել անցյալ տարվա հոկտեմբերի վերջին։ Դրանում ասվում է, որ ձեռք բերված ՌԴ քաղաքացիությունը կարող է դադարեցվել Քրեական օրենսգրքի 64 հոդվածներով նախատեսված հանցագործություններ կատարելու համար։
Մասնավորապես, ձեռք բերված քաղաքացիությունից կարող են զրկվել բանակի մասին «ֆեյքեր» տարածելու և զինված ուժերը «վարկաբեկելու», դիվերսիաների, պատժամիջոցների կոչերի, դասալքության, զինվորական ծառայությունից և դրանից ելնող պարտավորություններից խուսափելու, ինչպես նաև լրտեսության, դավաճանություն և պետական գաղտնիքների բացահայտման համար։
Բացի այդ, քաղաքացիությունից կարող են զրկվել ոչ ցանկալի օտարերկրյա կամ միջազգային ոչ կառավարական կազմակերպությանը մասնակցելու, թմրամիջոցների և զենքի ապօրինի շրջանառության, հանցավոր համայնք կազմակերպելու և ավազակային հարձակում իրականացնելու համար:
