14.12.2025 | 19:26
Մրգի խանութի սեփականատերը զինաթափել է Սիդնեյի լողափին մարդկանց վրա կրակողներից մեկին
Շոտլանդիայի վարչապետ Համզա Յուսաֆը հրաժարական է ներկայացրել
Քաղաքականություն
29.04.2024 | 18:24
Շոտլանդիայի վարչապետ Համզա Յուսաֆը որոշել է հրաժարական տալ կառավարական կոալիցիայի փլուզման արդյունքում՝ չսպասելով Շոտլանդիայի խորհրդարանում այս շաբաթ նախատեսված երկու անվստահության քվեի քննարկմանը, փոխանցում է BBC-ի ռուսական ծառայությունը։
39-ամյա Համզա Յուսաֆը, որն իշխող Շոտլանդիայի ազգային կուսակցությունը (SNP) և Շոտլանդիայի կառավարությունը ղեկավարում է մեկ տարուց էլ պակաս, երկուշաբթի առավոտյան Էդինբուրգում հրավիրված ասուլիսում հայտարարել է իր հրաժարականի մասին։
Յուսաֆի կառավարությունը վերջերս հրաժարվել է, այսպես կոչված, ջերմոցային գազերի զրոյական արտանետման ծրագրին արագ անցումից, ինչի պատճառով SNP-ի կոալիցիոն դաշնակից հանդիսացող «կանաչները» որոշել են, ի նշան բողոքի, դուրս գալ կոալիցիայից։ Դրանից հետո շոտլանդացի պահպանողականներն ու լեյբորիստներն առանձին-առանձին որոշել են խորհրդարանում վարչապետի հանդեպ վստահության հարց բարձրացնել։
