Մակրոնն առաջարկել է Ֆրանսիայի միջուկային զենքն օգտագործել Եվրոպայի պաշտպանության համար

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

Ֆրանսիական միջուկային զենքը կարող է դառնալ եվրոպական պաշտպանության մի մասը, և եկել է այդ հարցը քննարկելու ժամանակը։ Reuters-ի փոխանցմամբ՝ այս մասին հայտարարել է Ֆրանսիայի նախագահ Էմանուել Մակրոնը։ Նրա կարծիքով՝ «ուժեղ եվրոպական պաշտպանությունը» պետք է գերազանցի այն պաշտպանությունը, որն արդեն առաջարկում է ՆԱՏՕ-ն։

Նա հիշեցրել է, որ ֆրանսիական ռազմական դոկտրինի համաձայն՝ երկիրն իրավունք ունի օգտագործել միջուկային զենք, եթե նրա «կենսական շահերը» վտանգվեն։ Միևնույն ժամանակ, ըստ Մակրոնի, այդ շահերի գնահատումը տեղի է ունենում ամբողջ Եվրոպայի պաշտպանության տեսանկյունից, ուստի «մենք պետք է ավելի հեռուն գնանք» և դիտարկենք բոլոր հնարավոր տարբերակները, հատկապես՝ Ռուսաստանի կողմից Ուկրաինայում շարունակվող պատերազմի լույսի ներքո։

«Ես կողմնակից եմ այս քննարկմանը, որը պետք է ներառի հակահրթիռային պաշտպանությունը, հեռահար կրակային համակարգերի, ինչպես նաև միջուկային զենքի կիրառման հնարավորությունը այն երկրների մասնակցությամբ, որոնք արդեն տիրապետում են դրան, և այն երկրների, որոնք իրենց տարածքում ունեն ամերիկյան միջուկային մարտագլխիկներ»,- ասել է Մակրոնը:

Նա կոչ է արել քննարկել բոլոր առկա միջոցները և հասկանալ, թե իրականում ինչն է օգնելու հուսալիորեն պաշտպանել Եվրոպան։ Մակրոնի խոսքով՝ Ֆրանսիան կպահպանի իր դոկտրինի առանձնահատկությունները, սակայն պատրաստ է ավելի մեծ ներդրում ունենալ եվրոպական պաշտպանության գործում։

Եվրամիությունից Մեծ Բրիտանիայի դուրս գալուց հետո Ֆրանսիան մնում է կառույցի միակ անդամը, որն ունի սեփական միջուկային զենքը: Ըստ պաշտոնական տվյալների՝ Փարիզն իր տրամադրության տակ ունի շուրջ 300 մարտագլխիկ։

Մակրոնը 2020 թվականին կոչ է արել «ռազմավարական երկխոսություն» սկսել «Եվրոպայի հավաքական անվտանգության մեջ ֆրանսիական միջուկային զսպման դերի» վերաբերյալ՝ փորձելով այդ հարցի շուրջ քննարկում բացել ամերիկյան միջուկային զենք ընդունող Գերմանիայի հետ։ Բեռլինն այն ժամանակ մերժել է նման քննարկման հնարավորությունը։ Փարիզն այս առաջարկը կրկնել է 2022 թվականին։

Ապրիլին Մակրոնը Ռուսաստանին անվանել էր «Եվրոպայի անվտանգության գլխավոր սպառնալիք»։

«Երբ մենք ունենք ագրեսիվ դարձած հարևան, հարևան, որն ունի բալիստիկ պոտենցիալ, միջուկային զենք, պարզ է դառնում, որ մենք պետք է ռազմավարական հայեցակարգ ստեղծենք հուսալի եվրոպական պաշտպանության համար»,- ասել է Ֆրանսիայի նախագահը՝ հավելելով, որ «Եվրոպան պետք է կարողանա իր դաշնակիցների հետ միասին պաշտպանել այն, ինչը թանկ է իր համար, անհրաժեշտության դեպքում՝ նաև միայնակ»։