03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
Ֆրանսիայի ոստիկանությունը ձերբակալել է Ժերար Դեպարդիեին
Քաղաքականություն
29.04.2024 | 16:07
Ֆրանսիայի ոստիկանությունը հարցաքննության է կանչել լեգենդար դերասան Ժերար Դեպարդիեին՝ ենթադրյալ սեռական ոտնձգությունների գործով նրան կալանքի տակ վերցնելու նպատակով։ Այս մասին AFP-ին հայտնել է ոստիկանության աղբյուրը։
Աղբյուրն ասել է, որ ոստիկանությունը պետք է հարցաքննի 75-ամյա դերասանին երկու կանանց պնդումների հետ կապված, որ նա հարձակվել է իրենց վրա նկարահանման հրապարակում։
BFMTV-ն հայտնում է, որ դերասանը բերման է ենթարկվել Փարիզի ոստիկանական բաժանմունք։
Առաջին կինը նրան մեղադրում է իր վրա հարձակվելու համար 2022 թվականին, երբ «The Green Shutters» ֆիլմի նկարահանող խմբի անդամ է եղել։ Մյուս միջադեպն էլ վերաբերում է 2014 թվականին «Le magician et le Siamois» ֆիլմի նկարահանումներին։
Դերասանը հերքում է այս մեղադրանքները։
Նշենք, որ առաջին դեպքը չէ, երբ ֆրանսիացի դերասանին մեղադրում են սեռական բռնության համար։ 2023 թվականի նոյեմբերի վերջին France 2 հեռուստաալիքը վավերագրական ֆիլմ էր ցուցադրել, որտեղ չորս կին Դեպարդիեին մեղադրում էին բռնության մեջ։
