12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Բլինքենը Սաուդյան Արաբիայում է՝ Իսրայել-ՀԱՄԱՍ հրադադարի հաստատման և Գազա մարդասիրական օգնության ավելացման նպատակով
Քաղաքականություն
29.04.2024 | 12:34
ԱՄՆ պետքարտուղար Էնթոնի Բլինքենը ժամանել է Սաուդյան Արաբիա՝ նոր ճգնաժամային շրջագայության, որի նպատակն է հասնել Իսրայելի և ՀԱՄԱՍ-ի միջև հրադադարի ու Գազայի հատված ուղարկվող մարդասիրական օգնության ավելացման, գրում է France 24-ը։
Նշվում է, որ Բլինքենն այցելելու է նաև Հորդանան ու Իսրայել՝ հոկտեմբերի 7-ից տարածաշրջան արդեն 7-րդ շրջագայության ընթացքում։
Պետքարտուղարության պաշտոնյան լրատվամիջոցին ասել է, որ Սաուդյան Արաբիայում Բլինքենը երկրի ղեկավարության հետ նոր բանակցություններ է վարելու Իսրայելի հետ հարաբերությունների հնարավոր կարգավորման շուրջ։ Սաուդյան Արաբիան դիտարկում էր այս քայլը նախքան հոկտեմբերի 7-ը։
Բլինքենն Էր-Ռիադում եվրոպացի մի շարք արտգործնախարարների հետ, որոնք պետք է մասնակցեն Համաշխարհային տնտեսական ֆորումին և Պարսից ծոցի համագործակցության խորհրդի բանակցություններին:
Պետքարտուղարության պաշտոնյան ասել է նաև, որ Բլինքենը քննարկելու է հետպատերազմյան Գազայի վերականգնումը։ Ծրագրերը կարող են ներառել Գազայի վերականգնման համար ֆինանսավորում, որի բնակչության ճնշող մեծամասնությունը տեղահանված է, կամ աջակցություն նոր կառավարման կառույցների ստեղծմանը՝ մինչ Իսրայելը հետապնդում է ՀԱՄԱՍ-ը ոչնչացնելու իր նպատակը:
Բլինքենը ժամանել է նախագահ Ջո Բայդենը և Իսրայելի վարչապետ Նեթանյահուն հեռախոսազրույցից մի քանի ժամ անց։ ԱՄՆ-ի և Իսրայելի ղեկավարները խոսել են Գազայի հատվածում իսրայելական հարձակումը դադարեցնելու շարունակական բանակցությունների մասին՝ պատանդների ազատ արձակման դիմաց։
Բայդենը կրկնել է մտահոգությունը Իսրայելի կողմից Գազայի հարավում գտնվող Ռաֆահ քաղաքում ռազմական գործողություն սկսելու կապակցությամբ, որտեղ ավելի քան 1 մլն պաղեստինցիներ են ապաստանել։
