09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
ԱՄՆ-ը և Չինաստանը պետք է լինեն գործընկերներ, ոչ թե հակառակորդներ․ Սի Ցզինպինը՝ Բլինքենին
Քաղաքականություն
26.04.2024 | 17:01
Չինաստանի առաջնորդ Սի Ցզինպինը ԱՄՆ պետքարտուղար Էնթոնի Բլինքենի հետ հանդիպմանը հայտարարել է, որ Վաշինգտոնն ու Պեկինը պետք է լինեն «գործընկերներ, այլ ոչ թե հակառակորդներ», գրում է CNN-ը։
Հանդիպումը տեղի է ունեցել Բլինքենի՝ Չինաստան կատարած եռօրյա այցի վերջին օրը, այն ժամանակ, երբ երկու երկրները ձգտում են շարունակել կայունացնել խարխուլ հարաբերությունները և ընդլայնել հաղորդակցությունը՝ տեխնոլոգիաներից մինչև Թայվան։
«Չինաստանը կցանկանար տեսնել վստահ, բաց և բարգավաճ Միացյալ Նահանգներ։ Մենք հուսով ենք, որ Միացյալ Նահանգները դրական լույսի ներքո կդիտի Չինաստանի զարգացումը։ Երբ այս հիմնարար խնդիրը լուծվի, չին-ամերիկյան հարաբերություններն իսկապես կբարելավվեն և առաջ կգնան։ Չինաստանն ու ԱՄՆ-ն պետք է լինեն ոչ թե հակառակորդներ, այլ գործընկերներ, օգնեն միմյանց հաջողության հասնել՝ վնասելու փոխարեն»,- ասել է Չինաստանի ղեկավարը։
