04.08.2026 | 18:49
Ես սկսել եմ Լևոն Քոչարյանի ազնվությանը հավատալ․ Վիլեն Գաբրիելյան. ՏԵՍԱՆՅՈՒԹ
Բեռլինում քաղէմիգրանտներն Ադրբեջանի նախագահին դիմավորել են «Ալիև, բռնապե՛տ» վանկարկումներով
Քաղաքականություն
26.04.2024 | 16:18
Ադրբեջանի նախագահ Իլհամ Ալիևին Բեռլինում բողոքի ակցիայով են դիմավորել Գերմանիայում բնակվող մի խումբ ադրբեջանցիներ։ Ալիևն աշխատանքային այցով Բեռլինում է՝ մասնակցելու Պետերսբերգի XV կլիմայական երկխոսության բարձր մակարդակի։
Ադրբեջանի նախագահի ավտոշարասյանն ադրբեջանցի քաղաքական էմիգրանտները դիմավորել են «Ալիև, բռնապե՛տ» վանկարկումներով։
Նշենք, որ նախօրեին նույնպես նրանք բողոքի ակցիա էին կազմակերպել, այս անգամ՝ Գերմանիայի ԱԳՆ-ի մոտ, բողոքելով Ադրբեջանում Ալիևի վարչակազմի բռնաճնշումներից, քաղաքական ակտիվիստների, լրատվամիջոցների ներկայացուցիչների վրա ճնշումների դեմ Ադրբեջանում տիրող ռեպրեսիվ միջավայրից, քաղաքական ակտիվիստների, լրատվամիջոցների ներկայացուցիչների նկատմամբ ճնշումներից ու պահանջելով ազատ արձակել բոլոր քաղբանտարկյալներին։
Հիշեցնենք, որ վերջին ամիսների ընթացքում Ադրբեջանում մաքսանենգության մեղադրանքով ձերբակալվել են տարբեր լրատվամիջոցներ ներկայացնող շուրջ երկու տասնյակ լրագրողներ, ընդդիմադիր գործիչներ ու քաղաքական ակտիվիստներ։ Խուզարկություններ են իրականացվել Abzas Media-ի, Toplum TV-ի գրասենյակներում և որոշ լրագրողների բնակարաններում։ Միջազգային կառույցները կոչ են անում Ադրբեջանի իշխանություններին դադարեցնել բռնաճնշումներն ու բոլորին ազատ արձակել։
Էմմա Չոբանյան
