09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Ավստրալիայի Լիբերալ կուսակցությունը երկրի ընդդիմության առաջնորդին կոչ է արել ճանաչել Հայոց ցեղասպանությունը
Քաղաքականություն
26.04.2024 | 14:10
Հայոց ցեղասպանության 109-րդ տարելիցին ընդառաջ Ավստրալիայի Լիբերալ կուսակցության յոթ թեկնածու, ովքեր հաստատվել են հաջորդ դաշնային ընտրություններին մասնակցելու համար, համատեղ հայտարարություն են ներկայացրել ընդդիմության առաջնորդ Փիթեր Դաթոնին՝ կոչ անելով նրան և ապագա Լիբերալ կառավարությանը 1915-1923 թվականների իրադարձությունները ճշգրիտ բնութագրել որպես ցեղասպանություն․ այս մասին հայտնում է Ավստրալիայի Հայ դատի հանձնախումբը։
Նամակը, որն ընդդիմության առաջնորդին է ուղարկվել 2024 թվականի ապրիլի 23-ին, հավանության է արժանացել թեկնածուներ՝ Ժիզել Կապտերյանի, Դոկտոր Քեթի Ալենի, Թիմ Ուիլսոնի, Մենի Չիչիելոյի, Քեթի Մալենսի, Սքոթ Յանգի և Թեո Զագրաֆոսի կողմից։
Ավստրալիայի Հայ դատի հանձնախմբի Գործադիր տնօրեն Մայքլ Քոլոքոսյանը շնորհակալություն է հայտնել թեկնածուներին՝ Հայոց ցեղասպանության ճշգրիտ ճանաչման նպատակով երկրի առաջնորդների վրա ճնշում գործադրելու հարցում հայ-ավստրալական համայնքին աջակցելու համար:
«Մենք հանրային ընտանիք ենք եւ աջակցում ենք այն թեկնածուներին, որոնք պատրաստ են պաշտպանել մեր շահերը», – ասել է Քոլոքոսյանը։
2023 թվականին Ավստրալիայի Լիբերալ կուսակցությունը նաև հավանություն է տվել 1915-1923 թվականներին հայերի, ասորիների և հույների ցեղասպանությունների վերաբերյալ կուսակցական քաղաքականությանը։
Հազարավոր մարդիկ ամբողջ Ավստրալիայում անհամբեր սպասում են, թե արդյոք Ավստրալիայի վարչապետը և ընդդիմության առաջնորդը վերջապես քաջություն կունենան օգտագործել Ցեղասպանություն բառը:
