30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Հնդկաստանն արձագանքել է ՀՀ-ի հետ ռազմական համագործակցության վերաբերյալ Բաքվի դժգոհություններին
Քաղաքականություն
25.04.2024 | 17:31
Հնդկաստանը լավ հարաբերություններ ունի Բաքվի և Երևանի հետ, սակայն Նյու Դելին նաև հոգ է տանում իր պաշտպանական արտադրանքի արտահանման խթանման մասին։ Այս մասին ճեպազրույցի ժամանակ ասել է Հնդկաստանի ԱԳՆ պաշտոնական ներկայացուցիչ Ռանդհիր Ջայսվալը՝ պատասխանելով Հնդկաստանի կողմից Հայաստանին զենք մատակարարելու պատճառով Ադրբեջանի քննադատության մասին հարցին։
«Մենք շատ լավ հարաբերություններ ունենք և՛ Ադրբեջանի, և՛ Հայաստանի հետ, սակայն բացի այս՝ մենք նաև իրականացնում ենք պաշտպանական արտահանման խթանման Հնդկաստանի քաղաքականությունը»,- ասել է նա։
Ադրբեջանի նախագահ Իլհամ Ալիևն օրերս կրկին դժգոհել էր, որ Ֆրանսիան, Հնդկաստանը և Հունաստանը «բացահայտ զինում են Հայաստանին՝ դրանով իսկ փորձելով Բաքվին ինչ-որ բան ապացուցել»։
«Նրանք դա անում են բացահայտ և ցուցադրաբար, նույնիսկ փորձում են մեզ ինչ-որ բան ապացուցել։ Մենք չենք կարող պարզապես նստել և սպասել: Այս դիրքորոշումը մենք հստակ փոխանցել ենք Հայաստանի իշխանությանը և այն կողմերին, որոնք այսօր փորձում են հոգ տանել Հայաստանի մասին։ Եթե մենք մեզ համար լուրջ վտանգ տեսնենք, ստիպված կլինենք լուրջ քայլեր ձեռնարկել»,- սպառնացել էր Ալիևը «COP29-ը և Ադրբեջանի կանաչ տեսլականը» համաժողովի ժամանակ ունեցած ելույթում։
