24.02.2026 | 16:52
Ադրբեջանի և Հայաստանի միջև հարաբերությունների կարգավորման գործընթացը դրական է ընթանում. թուրք պատգամավորը՝ Բաքվում
Ուկրաինայի պատերազմը գլխավոր սպառնալիքն է եվրոպական անվտանգության համար. Մակրոն
Քաղաքականություն
25.04.2024 | 16:40
Ֆրանսիայի նախագահ Էմանուել Մակրոնն ուրվագծել է ապագա հզոր Եվրոպայի իր տեսլականը, որն ի վիճակի կլինի դիմակայել գլոբալ մարտահրավերներին, ինչպիսին է Ռուսաստանի պատերազմն Ուկրաինայում։
«Մեր անվտանգության համար անփոխարինելի պայմանն այն է, որ Ռուսաստանը չհաղթի Ուկրաինայի դեմ մղվող ագրեսիվ պատերազմում»,- Սորբոնում ունեցած ելույթում ասել է Ֆրանսիայի նախագահ Էմանուել Մակրոնը, գրում է BBC-ի ռուսական ծառայությունը։
Նա նախազգուշացրել է մոտակա տասնամյակներում Եվրոպայի համար մեծ ռիսկերի մասին։
«Եվրոպան մահկանացու է և կարող է մահանալ, իսկ դա կախված է միայն մեզանից։ Եվրոպան այդքան էլ լավ պատրաստ չէ աշխարհում մարտահրավերներին, որտեղ խաղի կանոնները փոխվել են»,- ասել է Մակրոնը։
Ուկրաինական հակամարտությունը նա անվանել է «եվրոպական անվտանգության գլխավոր սպառնալիք» և կոչ արել ամրապնդել եվրոպայի պաշտպանվելու ունակությունը։
«Մենք պետք է ռազմավարական հայեցակարգ կառուցենք հուսալի եվրոպական պաշտպանության համար»,- ասել է Մակրոնը՝ հավելելով, որ Եվրոպան չի կարող լինել Միացյալ Նահանգների «վասալը»։
Նշենք, որ առաջին դեպքը չէ, երբ Մակրոնն ասում է, որ եվրոպացիներն այլևս չեն կարող հենվել ԱՄՆ-ի վրա, և որ եվրոպացիներին պաշտպանելու համար անհրաժեշտ է ստեղծել իրական եվրոպական բանակ:
