12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
ՌԴ-ն Բելառուսում մի քանի տասնյակ միջուկային զենք է տեղակայել. Լուկաշենկո
Քաղաքականություն
25.04.2024 | 16:24
Ռուսաստանը Բելառուսում մի քանի տասնյակ միջուկային զենք է տեղակայել։ Այս մասին հայտարարել է Բելառուսի նախագահ Ալեքսանդր Լուկաշենկոն Համաբելառուսական ժողովրդական ժողովում հանրապետության ռազմական դոկտրինի և անվտանգության հայեցակարգի քննարկման ժամանակ, փոխանցում է ՏԱՍՍ-ը։
«Ռազմավարական զենքն այստեղ վերադարձնելու կարիք չկա։ Սակայն տակտիկական զենքի մասին խոսք լինել էլ չի կարող, դրանք պետք է լինեն Բելառուսի տարածքում»,- ասել է Լուկաշենկոն:
Լուկաշենկոն ընդգծել է, որ, իր պնդմամբ, Ռուսաստանը որոշել է վերադարձնել «N քանակությամբ զինամթերք»։
«Մի քանի տասնյակ ամենաժամանակակից միջուկային զենքեր»,- հավելել է նա։
Հիշեցնենք, որ ԱՄՆ-ը վճռականորեն դատապարտել էր Մինսկի և Մոսկվայի միջև ռուսական մարտավարական միջուկային զենքի՝ Բելառուս տեղափոխելու շուրջ պայմանավորվածությունը։ ԱՄՆ պետքարտուղարության խոսնակ Մեթյու Միլլերն այս որոշումը որակել էր որպես «անպատասխանատու գործելակերպի հերթական օրինակ, որը մենք տեսել ենք Ռուսաստանի կողմից Ուկրաինա նրա լայնամասշտաբ ներխուժման պահից ի վեր»։
