ՌԴ-ն ՄԱԿ-ի Անվտանգության խորհրդում արգելափակել է տիեզերքում միջուկային զենք չտեղակայելու մասին բանաձևը

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

Ռուսաստանը ՄԱԿ-ի Անվտանգության խորհրդում արգելափակել է ԱՄՆ-ի և Ճապոնիայի կողմից պատրաստված՝ տիեզերքում միջուկային զենք չտեղակայելու մասին բանաձևի նախագիծը, ասված է ՄԱԿ-ի կայքում հրապարակված հաղորդագրությունում։

Բանաձևը սատարել է ՄԱԿ-ի Անվտանգության խորհրդին մասնակցող 15 երկրներից 13-ը։ Չինաստանը ձեռնպահ է մնացել քվեարկությունից։

Բանաձևի նախագծում ասվում էր, որ միջուկային պայթյունը կամ տիեզերքում զանգվածային ոչնչացման ցանկացած այլ զենքի կիրառումը կարող է լուրջ հետևանքներ ունենալ բոլոր երկրների համար։ Դրա հեղինակները կոչ են արել չմշակել միջուկային զենք կամ զանգվածային ոչնչացման այլ տեսակի զենքեր, որոնք նախատեսված են Երկրի շուրջ ուղեծրում տեղադրելու համար։ Փաստաթուղթը նաև կոչ է անում «ակտիվորեն խթանել տիեզերքի խաղաղ օգտագործման նպատակը և կանխել սպառազինությունների մրցավազքը արտաքին տիեզերքում»:

ՄԱԿ-ում ՌԴ մշտական ներկայացուցիչ Վասիլի Նեբենզյան քվեարկությունից առաջ ասել է, որ փաստաթուղթն ուղղված է ՄԱԿ-ի Անվտանգության խորհրդի անդամների պառակտման խորացմանը։

Ռուսաստանը և Չինաստանն առաջարկել են ուղղում, որը կոչ է անում բոլոր երկրներին «մշտապես կանխել տիեզերքում զենքի տեղադրումը և տիեզերքում ուժի կիրառումը կամ սպառնալիքը»:

ՌԴ ԱԳՆ խոսնակ Մարիա Զախարովան բացատրել է, որ Ռուսաստանը վետո է դրել բանաձևի վրա, քանի որ «Մոսկվայի առաջարկած հիմնարար փոփոխություններն անտեսվել են»։

Ամերիկյան լրատվամիջոցների հաղորդմամբ՝ ԱՄՆ իշխանությունները մտավախություն ունեն, որ Ռուսաստանը պատրաստվում է միջուկային զենք տեղակայել տիեզերքում։

Սպիտակ տան Ազգային անվտանգության խորհրդի ղեկավար Ջոն Քիրբին ասել է, որ Ռուսաստանը հակաարբանյակային զենք է մշակում, այդ պատճառով ԱՄՆ-ն սկսել է ուղիղ դիվանագիտական փոխգործակցություն Ռուսաստանի և այլ երկրների հետ։

Ըստ The New York Times-ի՝ Միացյալ Նահանգները խնդրել է Հնդկաստանին և Չինաստանին հետ պահել Ռուսաստանին մի քայլից, որը «կարող է աղետի վերածվել»: Կրեմլը Վաշինգտոնի կողմից նոր սպառազինությունների ստեղծման մասին հաղորդագրություններն անվանել է «հնարք» և նշել, որ ԱՄՆ-ը չի շփվում Ռուսաստանի Դաշնության հետ։