Բռնցքամարտի ԵԱ. Հայաստանը 7 ներկայացուցիչ կունենա կիսաեզրափակչում

Լուրեր

21.11.2026 | 23:51
Դենիս Ջորկաեֆ. «Սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
Բոլորը

Սերբիայի մայրաքաղաք Բելգրադում ավարտին մոտեցող բռնցքամարտի Եվրոպայի առաջնությունում այսօր մեկնարկում է կիսաեզրափակիչ փուլը, որտեղ Հայաստանը կունենա 7 ներկայացուցիչ․ տեղեկացնում են ՀՀ ԿԳՄՍՆ-ից։

Տղամարդկանց պայքարում ռինգ դուրս կգան Բարեղամ Հարությունյանը (48 կգ), Արթուր Բազեյանը (57 կգ), Արթուր Սահակյանը (60 կգ), Արարատ Հարությունյանը (67 կգ) և Նարեկ Մանասյանը (92 կգ), իսկ կանանց պայքարում եզրափակչի ուղեգրի համար կպայքարեն Անուշ Գրիգորյանը (50 կգ) և Անի Հովսեփյանը (70 կգ):

Բարեղամ Հարությունյանը ԵԱ-ում պայքարը սկսել է քառորդ եզրափակչից, որտեղ 5:0 հաշվով առավելության է հասել Վրաստանի ներկայացուցիչ Սախիլ Ալախվերդովի նկատմամբ: Կիսաեզրափակչում նրա մրցակիցը կլինի սերբ Ռադե Յոկսիմովիչը:

60 կգ քաշային Արթուր Սահակյանը քառորդ եզրափակչում 5:0 հաշվով առավելության է հասել Սլովենիան ներկայացնող Կերնոգա Տադեի նկատմամբ: 1/8 եզրափակչում հայ բռնցքամարտիկը մենամարտել էր Վրաստանը ներկայացնող Արտյուշ Գոմցյանի հետ և 4:1 հաշվով հաղթանակ տարել, իսկ եզրափակչի ուղեգրի համար կպայքարի Բուլղարիայի ներկայացուցիչ Ռադոսլավ Ռոսենովի հետ։

Եվրոպայի փոխչեմպիոն, 57 կգ քաշային Արթուր Բազեյանը երկրորդ մենամարտում հաղթել է Իտալիայի ներկայացուցիչ Կանոնիկո Զուզեպեիհետին: 1/8 եզրափակչում հայ բռնցքամարտիկը 5:0 հաշվով առավելության էր հասել լեհ Յակուբ Կրժպյեդի նկատմամբ: Կիսաեզրափակչում նրա մրցակիցը կլինի Ռուսաստանի ներկայացուցիչ Էդուարդ Սավինը:

67 կգ քաշային Արարատ Հարությունյանը քառորդ եզրափակչում 5:0 հաշվով առավելության է հասել Սլովենիան ներկայացնող Պատրիկ Նեյչի նկատմամբ: Որակավորման փուլում Հարությունյանը նույն հաշվով պարտության էր մատնել լեհ Մատեուս Գրեժբերին, իսկ կիսաեզրափակչում ուժերը կչափի Ռուսաստանի ներկայացուցիչ Տարխան Իգիդովի հետ:

Աշխարհի և Եվրոպայի առաջնությունների բրոնզե մեդալակիր, 92 կգ քաշային Նարեկ Մանասյանը մեկնարկում 4:0 հաշվով առավելության էր հսաել Սլովակիայի ներկայացուցիչ Դավիդ Միչալեկի նկատմամբ, քառորդ եզրափակչում հաղթել էր Մոլդովայի ներկայացուցիչ Անդրեյ Զապլիտնիին, իսկ կիսաեզրափակչում կմենամարտի Ադրբեջանի ներկայացուցիչ Լորեն Ալֆոնսոյի հետ:

Երիտասարդների աշխարհի և Եվրոպայի չեմպիոն Անուշ Գրիգորյանը 50 կգ քաշային կարգի քառորդ եզրափակչում ավելի վաղ մենամարտել էր Ռումինիայի ներկայացուցիչ Միհայելա Բադեսկուի հետ և հաղթել 5:2 հաշվով։ Գրիգորյանը եզրափակչի ուղեգրի համար կպայքարի իռլանդացի Սվինի Շանոյի հետ:

Եվրոպայի չեմպիոն, 70 կգ քաշային Անի Հովսեփյանն էլ քառորդ եզրափակչում պետք է մրցեր ռումինացի Անդրա Նիկոլետայի հետ, սակայն մենամարտը չի կայացել և հաղթանակը շնորհվել է հայ մարզուհուն: Կիսաեզրափակչում նրա մրցակիցը կլինի ռուս Դարիմա Սանդակովան:

Բռնցքամարտի Եվրոպայի առաջնությունը կավարտվի ապրիլի 28-ին։