Քաղաքականություն
25.04.2024 | 13:17
Փարիզի ամենահայտնի տեսարժան վայրերից մեկը՝ «Մուլեն Ռուժի» ջրաղացը, գիշերը տուժել է հրդեհից։ DW-ի ռուսական ծառայության փոխանցմամբ՝ դրա թևերը փլուզվել են։
Միջադեպի ընթացքում ոչ ոք չի տուժել, հայտնել են հրշեջ ծառայության աշխատակիցները: Թե կոնկրետ ինչից է առաջացել հրդեհը, դեռևս չի հաղորդվում։ Համացանցում հրապարակված լուսանկարներում ու տեսանյութերում երևում են էստրադային թատրոնի դիմացի մայթին ընկած ջրաղացի թևերը։
Les joies d’aller bosser à 3h : se retrouver nez à nez avec l’hélice du moulin rouge tombée par terre pic.twitter.com/Xi9zI0TJHu
— Adélaïde Malavaud (@AMalavaud) April 25, 2024
Թատրոնը, որը գտնվում է «Մուլեն Ռուժ» ջրաղացի ներսում, սկսել է աշխատել 1889 թվականին, նույն ժամանակ, երբ Ֆրանսիայի մայրաքաղաքում ավարտվել է Էյֆելյան աշտարակի շինարարությունը: Այստեղ հավաքվել է փարիզյան ամբողջ բոհեմը։ Տարիների ընթացքում թատրոնում ելույթ են ունեցել այնպիսի արտիստներ, պարողներ և երգիչներ, ինչպիսիք են Իվետ Ժիլբերը, Ժաննա Ավրիլը և Լուիզ Վեբերը։ Ենթադրվում է, որ «Մուլեն Ռուժ»-ում արտիստների ելույթների շնորհիվ է, որ կանկան պարը համաշխարհային ճանաչում է ձեռք բերել:
