04.05.2024 | 20:32
«Նոա»-ն հաղթեց «Ալաշկերտ»-ին և կրկին մրցաշարային աղյուսակի առաջատարն է
Իրանի իշխանությունները մահապատժի են դատապարտել հայտնի ռեփեր Թոմաջ Սալեհիին․ Iran Human Rights
Քաղաքականություն
25.04.2024 | 11:10
Իրանի իշխանությունները մահապատժի են դատապարտել հայտնի ռեփեր Թոմաջ Սալեհիին, որը 2022-2023 թվականներին մասնակցել է հակակառավարական ցույցերին։ Այս մասին հայտնում են Reuters-ը և իրավապաշտպան Iran Human Rights (IHR) կազմակերպությունը։
Սալեհին մեղավոր է ճանաչվել «երկրի վրա կոռուպցիայի տարածման» մեջ (տերմին, որը Իրանի իշխանությունները օգտագործում են՝ նշելու հանցագործությունների լայն շրջանակ, այդ թվում՝ իսլամական բարոյականության հետ կապված հանցագործությունները )։
Սալեհիի փաստաբան Մուստաֆա Նելին ասել է, որ բողոքարկելու է մահապատժի վճիռը:
2023 թվականին Իրանի Գերագույն դատարանը Սալեհիին դատապարտել էր վեց տարի 3 ամիս ազատազրկման։
Իրավապաշտպանները նշում են, որ մահապատժի դատավճիռների թիվն ավելացնելով՝ Իրանի իշխանությունները ձգտում են «վախ սերմանել հասարակության մեջ՝ կանխելու բողոքի ցույցերը և երկարաձգելու իրենց իշխանությունը»։ Նրանք կոչ են արել միջազգային հանրությանը վճռականորեն արձագանքել Իրանի իշխանությունների գործողություններին, որպեսզի առաջիկա ամիսներին կանխվեն հարյուրավոր նոր զոհերը։
2022 թվականին Իրանի իշխանությունները մահապատժի են ենթարկել 582 մարդու՝ 333-ով ավելի, քան 2021 թվականին։
