07.10.2026 | 11:33
ՄԱԿ-ի Մարդու իրավունքների խորհուրդը միաձայն ընդունել է Հայաստանի հեղինակած բանաձևը
Ալիևը հայտարարել է, թե ՀՀ-Ադրբեջան սահմանի 10-12 կմ կարելի է սահմանազատված համարել
Քաղաքականություն
25.04.2024 | 11:32
Ադրբեջանի նախագահ Իլհամ Ալիևը հայտարարել է, որ Բաքվի առաջարկն էր՝ սահմանազատումը սկսել է Ղազախի գյուղերից։
«Մենք ասել ենք հայկական կողմին, որ եթե նրանք իսկապես ցանկանում են ցույց տալ, որ պատրաստ են առաջ շարժվել այդ ուղղությամբ, ապա պետք է դա արվի։ Կարծում եմ՝ մեր պետական սահմանի 10-12 կմ կարելի է սահմանազատված համարել։ Սա կարևոր պահ է։ Պատահական չէ, որ տարածաշրջանային ու ոչ տարածաշրջանային շատ երկրներ աջակցություն են հայտնել գործընթացին։ Տեսնենք՝ ինչպես այն կշարունակվի»,- ասել է Ալիևը։
Նա նշել է, որ երկու կողմերը ցուցաբերել են կառուցողականություն, քանի որ հասկանում են հարցի զգայունությունն ու միջազգային իրավունքով ստանձնած պարտավորությունները, և եթե հաջորդ փուլում նույն մոտեցումը դրսևորվի, ավելի արագ կարելի է առաջ շարժվել։
Ըստ Ալիևի՝ սահմանը պետք է անվտանգ լինի երկու կողմերի համար էլ։
«Սահմանը, անկասկած, պետք է սահմանազատվի սկզբունքների հիման վրա։ Միաժամանակ, սակայն, կան սահմանի հատվածներ, որոնք խնդիրներ են առաջացնում երկու կողմերի համար։ Դա պայմանավորված է ճանապարհներով, երբեմն անվտանգության մեխանիզմով, միմյանց տարածքի խորության տեսանելիությամբ։ Այսպիսով, մենք պետք է ստեղծագործենք: Մենք չպետք է «կույր կատվի» պես հետևենք գծին։ Մենք այս գիծն ընդունում ենք որպես հիմք, բայց պետք է խելամիտ լինենք և պայմանավորվենք այնպիսի սահմանի շուրջ, որն անվտանգ ու հարմարավետ կլինի երկու կողմերի համար»,- ասել է Ադրբեջանի նախագահը։
