ՆԳՆ գլխավոր քարտուղարն ընդունել է ՄԱԿ-ի ճանապարհային անվտանգության հիմնադրամի ղեկավարին

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

Ապրիլի 22-ին ՆԳ նախարարության գլխավոր քարտուղար Արա Ֆիդանյանն ընդունել է ՄԱԿ-ի ճանապարհային անվտանգության հիմնադրամի ղեկավար Ննեկա Հենրիին․ տեղեկացնում են ՆԳՆ-ից։

Արա Ֆիդանյանը բարձր է գնահատել ՄԱԿ-ի Զարգացման ծրագրի հետ համագործակցությունը և շնորհակալություն հայտնել միջազգային գործընկերներին՝ «Վերափոխելով Հայաստանի ճանապարհային երթևեկության անվտանգությունը՝ տվյալների, մարդկանց և ճանապարհային քաղաքականությունների միավորմամբ» ծրագրի շրջանակում կատարված արդյունավետ աշխատանքի համար։

Նա ներկայացրել է ճանապարհային երթևեկության անվտանգության ոլորտում տվյալների հավաքագրման, վերլուծական գործիքակազմի և նորարար լուծումների ներդրման ուղղությամբ նախարարության կողմից իրականացվող ծավալուն աշխատանքները, ինչպես նաև դրանց իրագործման համար օգտագործված լավագույն փորձը։

Ննեկա Հենրին շնորհակալություն հայտնելով ջերմ ընդունելության համար՝ ներկայացրել է հիմնադրամի գործունեությունը, ճանապարհային երթևեկության անվտանգության ապահովման ուղղությամբ առկա մոտեցումները և միջազգային փորձը:

Նա անդրադարձել է նաև իրավապահ մարմինների միջև ճանապարհային անվտանգության և երթևեկության կարգավորման փորձի փոխանակման հարցերին։

ՄԱԿ-ի ճանապարհային անվտանգության հիմնադրամի ղեկավարը շնորհակալություն է հայտնել ՆԳ նախարարությանը՝ նախաձեռնությանն աջակցելու համար և հույս հայտնել, որ համագործակցությունը կընդլայնվի՝ ընդգրկելով այլ ուղղություններ։

Հանդիպման ընթացքում քննարկվել են ինչպես առկա, այնպես էլ նախատեսվող համագործակցության այլ ուղղությունների և ծրագրերի վերաբերյալ հարցեր։

Երկուստեք պայմանավորվածություն է ձեռք բերվել շարունակելու սերտ համագործակցությունը։