07.10.2026 | 12:28
Իսպանացի մրցավարը որակազրկվել է պատանեկան ԵԱ-ում հայ բռնցքամարտիկների մենամարտերում սխալ որոշումների համար
Մեծ Բրիտանիան ընդունել է ներգաղթյալներին Ռուանդա արտաքսելու օրենքը
Քաղաքականություն
23.04.2024 | 17:03
Երկար քննարկումներից հետո Մեծ Բրիտանիայի խորհրդարանը երկուշաբթի ընդունել է ապաստան հայցող ներգաղթյալներին Ռուանդա ուղարկելու մասին օրենքը: Պահպանողականների կառավարությունը հուսով է, որ կենտրոնական Աֆրիկայում արգելափակված մնալու հեռանկարը կկանգնեցնի հազարավոր պոտենցիալ անօրինական ներգաղթյալներին, ովքեր նավով հասնում են Բրիտանիա, գրում է BBC-ի ռուսական ծառայությունը։
Վարչապետ Ռիշի Սունակը երկուշաբթի հայտարարել է, որ ապաստան հայցողների առաջին ինքնաթիռները Ռուանդա կթռչեն երկու-երեք ամսից:
Բրիտանական իշխանությունները փորձում են պայքարել անօրինական միգրացիայի ներհոսքի դեմ։ Երեքշաբթի հայտնի դարձավ, որ հինգ մարդ, այդ թվում՝ մեկ երեխա, մահացել են՝ փորձելով անցնել Լա Մանշը փոքր նավակով։ Ընդհանուր առմամբ, այս տարվա սկզբից վեց հազար մարդ է ծովով Մեծ Բրիտանիա հասել։
Դեռևս 2022 թվականին Լոնդոնը Ռուանդայի հետ համաձայնագիր է կնքել, ըստ որի՝ Բրիտանիայից արտաքսված ներգաղթյալների կողմից ներկայացված ապաստանի դիմումները կքննարկվեն աֆրիկյան այս երկրի իշխանությունների կողմից, և եթե պատասխանը դրական լինի, ապա ապաստան հայցողը կկարողանա մնալ Ռուանդայում, այլ ոչ թե վերադառնալ Բրիտանիա:
Ավելի վաղ Բրիտանիան Ռուանդան բավական անվտանգ երկիր էր ճանաչել։
Այս նախագծի մասին հայտարարվել է դեռևս 2022 թվականի գարնանը՝ վարչապետ Բորիս Ջոնսոնի օրոք։ Որպես նախագծի նպատակ՝ կառավարության փաստաթղթում նշվում էր հետ պահել մարդկանց հանցավոր մաքսանենգների օգնությամբ վտանգավոր ճանապարհորդությունից դեպի Մեծ Բրիտանիա՝ ապաստան խնդրելու համար:
