15.12.2024 | 12:21
Հրդեհ` Երևանի հյուրանոցներից մեկում. դեպքի վայր են մեկնել 6 մարտական հաշվարկ
Էրդողանը հայտարարել է, որ հայ-թուրքական հարաբերություններում նոր ճանապարհային քարտեզ պետք է ստեղծել
Քաղաքականություն
23.04.2024 | 13:58
Թուրքիայի նախագահ Ռեջեփ Թայիփ Էրդողանը լրագրողների հետ զրույցում անդրադարձել է Հայաստան-Թուրքիա կարգավորման գործընթացին՝ հայտարարելով, որ նոր ճանապարհային քարտեզի ստեղծման անհրաժեշտություն կա։
«Այժմ տարածաշրջանում նոր կարգ է հաստատվում։ Ժամանակն է մի կողմ դնել անհիմն հիշողությունները, ավելի լավ է գործել ժամանակի իրողությունների հետ, քան գործել հորինված պատմություններով, որոնք կապ չունեն իրականության հետ։ Հիմա սա հասկանում է նաև Փաշինյանը։ Պատմաբաններն առաջին հերթին զբաղվում են պատմական գործընթացում տեղի ունեցածով։ Մենք ի սկզբանե շատ բաց ենք եղել այս հարցի շուրջ և ասել, որ կարող ենք բացել մեր արխիվները, և դա արեցինք։ Հիմա ժամանակն է ստեղծել նոր ճանապարհային քարտեզ՝ իրատեսական հիմքերով»,- ասել է Էրդողանը։
Նա նաև զգուշացրել է, թե «հնարավորությունների դռները հավերժ բաց չեն մնում»։
«Հուսոով եմ՝ Հայաստանը կազատվի խավարից, որը ստեղծել է հայկական սփյունքը, և կընտրի նոր ուղի՝ ավելի պայծառ ապագայի համար, և նոր դարաշրջան կսկսվի»,- հայտարարել է Թուրքիայի նախագահը։
