29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Ալիևն ասել է, որ Բաքուն գոհ է, թե ինչպես են լուծվում տարածաշրջանում անվտանգային հարցերը ՌԴ-ի մասնակցությամբ
Քաղաքականություն
22.04.2024 | 17:39
Բաքուն գոհ է, թե ինչպես են տարածաշրջանում անվտանգության հետ կապված հարցերը լուծվում Ռուսաստանի մասնակցությամբ։ Այս մասին Կրեմլում ՌԴ նախագահ Վլադիմիր Պուտինի հետ հանդիպմանն ասել է Ադրբեջանի նախագահ Իլհամ Ալիևը։
«Մեր հանդիպումների օրակարգում մշտապես գտնվում են տարածաշրջանային անվտանգության խնդիրները, և մենք գոհ ենք, թե ինչպես են դրանք լուծվում: Ռուսաստանը հիմնարար երկիր է տարածաշրջանային անվտանգության տեսակետից Կովկասում և ավելի լայն աշխարհագրությունում, և շատ բան կախված է մեր երկրների փոխգործակցությունից»,- ասել է Ալիևը՝ հավելելով, որ «միտված են վստահության, համագործակցության, փոխըմբռնման միջոցների ամրապնդմանը և բոլոր հարցերի լուծմանը փոխգործակցության և փոխադարձ շահերի ոգով»։
Նա նաև վստահություն է հայտնել, որ Պուտինի հետ Կրեմլում կայանալիք հանդիպումը նոր լիցք կհաղորդի երկու պետությունների միջև հարաբերությունների զարգացմանը։
«Եվս մեկ անգամ իմ երախտագիտությունն եմ հայտնում այսօրվա հանդիպման համար և վստահ եմ, որ այն նոր լիցք կհաղորդի մեր հարաբերությունների զարգացմանը»,- նշել է Ադրբեջանի նախագահը։
