05.06.2026 | 14:18
Նորվեգիայի հավաքականի ֆոտոսեսիան՝ վիկինգների հագուստով․ ԼՈՒՍԱՆԿԱՐՆԵՐ
Մոսկվայի և Բաքվի հարաբերությունները բարձր մակարդակի վրա են և զարգանում են․ Պուտինը՝ Ալիևին
22.04.2024 | 17:00
Կրեմլում մեկնարկել են ՌԴ նախագահ Վլադիմիր Պուտինի և Ադրբեջանի նախագահ Իլհամ Ալիևի բանակցությունները, փոխանցում են ռուսական լրատվամիջոցները։ Հանդիպման մեկնարկին Պուտինը հայտարարել է, որ Ռուսաստանի և Ադրբեջանի հարաբերությունները գտնվում են բարձր մակարդակի վրա և զարգանում են։
Նա ասել է, որ ռուս-ադրբեջանական առևտրային հարաբերություններն ակտիվորեն զարգանում են, երկու երկրների միջև ապրանքաշրջանառությունը հասել է 4 մլրդ դոլարի, իսկ ռուսական ներդրումներն Ադրբեջանի տնտեսության մեջ՝ 6 մլրդ դոլարի։
«Միջկառավարական հանձնաժողովն ակտիվորեն աշխատում է, և համագործակցության շատ հետաքրքիր ոլորտներ կան՝ և՛ տնտեսության իրական հատվածում, և՛ համագործակցության, և՛ ենթակառուցվածքների ոլորտում։ Կխոսենք նաև տարածաշրջանում իրավիճակի մասին անվտանգության ապահովման տեսակետից։ Հարցերն այստեղ շատ են և զգայուն»,- նշել է Պուտինը։
