26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Թբիլիսիի դպրոցներում ահաբեկչությունների մասին տեղեկություններ են տարածվել
Քաղաքականություն
22.04.2024 | 11:52
Վրաստանի մայրաքաղաք Թբիլիսիի դպրոցներում նախապատրաստվող ահաբեկչությունների մասին տեղելություններ են տարածվել համացանցում, մասնավորապես, տելեգրամյան ալիքներում։ Վրաստանի «Առաջին ալիքը», վկայակոչելով Պետական անվտանգության ծառայությանը, հայտնում է, որ հակաահաբեկչական հատուկ միջոցառումների արդյունքում Թբիլիսիի դպրոցներում պայթուցիկ սարքեր կամ նյութեր չեն հայտնաբերվել։
«Ապրիլի 21-ին սոցիալական ցանցերում, մասնավորապես, Տելեգրամում տարածվող տեղեկությունների հետ կապված Թբիլիսիի ուսումնական հաստատություններում և առևտրի կենտրոններում պայթուցիկ սարքերի հնարավոր տեղադրման, ինչպես նաև սպասվող ահաբեկչությունների հետ կապված սպառնալիքների մասին, Պետական անվտանգության ծառայության հակաահաբեկչական ստորաբաժանումներն ամբողջ գիշեր համապատասխան օպերատիվ-որոնողական աշխատանքներ են իրականացրել։ Հատուկ հակաահաբեկչական միջոցառումների արդյունքում պայթուցիկ կամ այլ սարքավորում չի հայտնաբերվել»,- ասվում է հաղորդագրության մեջ։
Նշվում է, որ Պետանվտանգության ծառայության ստորաբաժանումը շարունակում է օպերատիվ որոնողական աշխատանքներները։
