26.06.2026 | 12:34
«Միասնության թևերը» միջնորդեց կասեցնել ՍԴ-ում ընտրությունների արդյունքների վիճարկման գործի քննությունը․ ՏԵՍԱՆՅՈՒԹ
Իրանը նոր ծառայություն է ստեղծել, որը վերահսկում է կանանց հիջաբ կրելը
Քաղաքականություն
22.04.2024 | 14:05
Իրանը նոր ծառայություն է ստեղծել, որը վերահսկում է կանանց հիջաբ կրելը։ Այս մասին հայտարարել է Իսլամական հեղափոխության պահապանների կորպուսի (ԻՀՊԿ) Թեհրանի ուժերի հրամանատար Հասան Հասանզադեն, փոխանցում է «Ազատություն» ռադիոկայանի իրանական ծառայությունը։
Հաղորդվում է, որ կանանց համար խիստ դրես-կոդի կիրառման հարցերով նոր իրավապահ կառույցի աշխատակիցները հատուկ վերապատրաստում են անցել, որպեսզի հետագայում ապահովեն, որ կանայք հիջաբ կրեն հասարակական վայրերում «ավելի պատասխանատու կերպով»։
Իրանի իշխանությունները վերջերս ուժեղացրել են «բարոյականությանը համապատասխանելու ստուգումները», որոնց ընթացքում շրջայցերի մասնակիցները կոպիտ վերաբերմունք են ցուցաբերել կանանց նկատմամբ, հաղորդում է «Ռադիո Ֆարդա»-ն։
Ավելի վաղ Իրանի իշխանությունները տեսախցիկներ էին տեղադրել փողոցներում և հասարակական վայրերում՝ վերահսկելու իրանցի կանանց հիջաբ կրելը, հայտնել է Reuters-ը՝ վկայակոչելով իրավապահ մարմինների ներկայացուցիչների հայտարարությունը։
Տեսախցիկներում ֆիքսված օրինախախտներին, ըստ Իրանի ոստիկանության, կուղարկվի SMS հաղորդագրություն՝ «նախազգուշացում հետևանքների մասին»։ Ոստիկանությունն ընդգծել է, որ տեսախցիկների տեղադրումը կապված է պարտադիր դրես-կոդը խախտողների աճող թվի հետ և նպատակ ունի «կանխել հիջաբ կրելու օրենքին դիմադրությունը»։
