Քաղաքականություն
20.04.2024 | 13:15Այս տարի երկրորդ անգամ այցելեցի Լոռու մարզի Մեդովկա բնակավայրի նորակառույց հիմնական դպրոց․ ֆեյսբուքի իր էջում գրել է ՀՀ վարչապետ Նիկոլ Փաշինյանը։
«Նախորդ անգամ արձանագրված խնդիրները եւ թերությունները շտկված էին: Տպավորություններս դրական են»,- գրել է վարչապետն ու կից տեսանյութ հրապարակել։
Հիշեցնենք, որ ս․թ․ հունվարի 3-ին վարչապետն այցելել էր Մեդովկա բնակավայր, որտեղ շրջայցի ընթացքում ծանոթացել էր նոր կառուցված մոդուլային հիմնական դպրոցում իրականացված աշխատանքներին: Փաշինյանն արձանագրել էր բազմաթիվ խնդիրներ:
Հաջորդ օրը վարչապետի որոշմամբ աշխատանքից ազատվեց Լոռու մարզպետ Արամ Խաչատրյանը։
Նույն օրը աշխատանքից ազատվեց նաև Քաղաքաշինության կոմիտեի նախագահ Արմեն Ղուլարյանը։
Հունվարի 5-ին վարչապետն աշխատանքային այց կատարեց նաև Արմավիրի մարզ, ու վերանորոգված դպրոցներից մեկում նույնպես թերություններ արձանագրեց։
Աշխատանքից ազատվեց նաև Արմավիր մարզպետ Էդվարդ Հովհաննիսյանը։
