16.01.2025 | 13:53
Հանրապետությունում շարունակվում է սեզոնային գրիպի Ա տեսակի H1pdm09 ենթատեսակի շրջանառությունը. ԱՆ
Կիրանցի մի խումբ բնակիչներ և ընդդիմադիր գործիչներ փակել են ճանապարհը՝ դժգոհելով սահմանազատման հարցով ՀՀ-Ադրբեջան հայտարարությունից
Քաղաքականություն
20.04.2024 | 12:55
Դաշնակցական պատգամավոր Գառնիկ Դանիելյանը, քաղաքագետ Սուրեն Պետրոսյանը, ընդդիմադիր ակտիվիստներ և Կիրանց գյուղի մի խումբ բնակիչներ այսօր փորձել են փակել Կիրանց-Իջևան ավտոճանապարհը։ Երթևեկությունը ժամանակավորապես կանգ է առել։
Տավուշի մարզպետն այցելել է բողոքի ակցիայի անցկացման վայր՝ զրուցելու մասնակիցների հետ։ Նրանք այսկերպ դժգոհություն են արտահայտել Հայաստանի և Ադրբեջանի սահմանազատման հանձնաժողովների համատեղ նիստում կայացված որոշումից, որով կողմերը նախնական համաձայնեցրել են սահմանագծի առանձին հատվածները՝ ԽՍՀՄ փլուզման պահի դրությամբ գոյություն ունեցող իրավաբանորեն հիմնավորված միջհանրապետական սահմանին համապատասխանեցնելու նպատակով:
Երևանն ու Բաքուն նշում են բնակավայրերի անունները՝ Հայաստանի կողմից՝ Բաղանիս, Ադրբեջանի կողմից՝ Բաղանիս Այրում, Հայաստանի կողմից՝ Ոսկեպար, Ադրբեջանի կողմից՝ Աշաղը Ասկիպարա, Հայաստանի կողմից՝ Կիրանց, Ադրբեջանի կողմից՝ Խեյրեմլի, Հայաստանի կողմից՝ Բերքաբեր, Ադրբեջանի կողմից՝ Կըզըլ Հաջիլի։ Բողոքի ակցիային ներկա են նաև տասնյակ ոստիկաններ։
