14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
Առաջին անգամ Հայաստանը և Ադրբեջանը սեղանի շուրջ լուծել են հարց․ Նիկոլ Փաշինյան․ ՏԵՍԱՆՅՈՒԹ
Քաղաքականություն
20.04.2024 | 12:41
«Առաջին անգամ Հայաստանը և Ադրբեջանը սեղանի շուրջ լուծել են հարց»,- հայտարարել է Նիկոլ Փաշինյանը՝ անդրադառնալով սահմանազատման մեկնարկի հարցով Երևանի և Բաքվի միջև կայացած համաձայնությանը։
Վարչապետն այս մասին խոսել է Լոռու մարզ այցի ընթացքում՝ ի պատասխան լրատվամիջոցների հարցերին։ Գնահատելով տեղի ունեցածի քաղաքական նշանակությանը՝ Փաշինյանն ասել է, որ չի ուզում ոչ գերագնահատել, ոչ թերագնահատել կայացված համաձայնությունը։
Սահմանազատման հանձնաժողովների նիստից հետո երեկ Երևանն ու Բաքուն հայտարարեցին, որ նախնական համաձայնության են հասել սահմանագծի առանձին հատվածները՝ ԽՍՀՄ փլուզման պահի դրությամբ գոյություն ունեցած իրավաբանորեն հիմնավորված միջհանրապետական սահմանին համապատասխանեցնելու նպատակով:
Կողմերը նշում են բնակավայրերի անունները՝ Հայաստանի կողմից՝ Բաղանիսի, Ադրբեջանի կողմից՝ Բաղանիս Այրումի, Հայաստանի կողմից՝ Ոսկեպարի, Ադրբեջանի կողմից՝ Աշաղը Ասկիպարայի, Հայաստանի կողմից՝ Կիրանցի, Ադրբեջանի կողմից՝ Խեյրեմլիի, Հայաստանի կողմից՝ Բերքաբերի, Ադրբեջանի կողմից՝ Կըզըլ Հաջիլիի միջև։
