29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Ադրբեջանը դադարեցնում է Բաքվի ֆրանսիական լիցեյի գործունեությունը
Քաղաքականություն
19.04.2024 | 16:22
Ադրբեջանի իշխանությունները հակաֆրանսիական քաղաքականության շրջանակում որոշել են դադարեցնել Բաքվի ֆրանսիական լիցեյի գործությունեությունը։ Ադրբեջանական լրատվամիջոցների հաղորդմամբ՝ այս կապակցությամբ համապատասխան գրություն է ուղարկվել ուսումնական հաստատությունում սովորող երեխաների ծնողներին։
Հաստատության ղեկավարության անունից նամակում նշվում է, որ ճեմարանում ուսուցումը կշարունակվի մինչև ուսումնական շրջանի ավարտը։ Լիցեյը, որն այժմ ունի 200 աշակերտ, նոր ուսումնական տարվանից կդադարեցնի գործունեությունը։
Հավելենք, որ լիցեյի փակման մասին լուրեր սկսեցին շրջանառվել օրերս, երբ Փարիզը հայտարարել էր Բաքվից իր դեսպանին հետ կանչելու մասին։ Ֆրանսիան հայտարարել էր, որ իր դեսպանին հետ է կանչում խորհրդակցությունների համար՝ Ադրբեջանի կողմից երկու երկրների հարաբերությունները վնասող միակողմանի գործողությունների հետ կապված։
Նախօրեին էլ Ադրբեջանի խորհրդարանում հերթական հակաֆրանսիական միջոցառումն է անցկացվել։
