12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
ԱՄԷ-ին և Օմանին հարվածել են անձրևներն ու փոթորիկները. Դուբայի օդանավակայանը հեղեղվել է
Քաղաքականություն
18.04.2024 | 12:57
Հորդառատ անձրևներն ու փոթորկոտ քամիները հարվածել են Պարսից ծոցի երկրներին՝ ջրհեղեղներ առաջացնելով, որոնք իրենց հերթին խաթարել են հաղորդակցությունը։ Տարերային աղետի հետևանքով զոհվել է 20 մարդ, որոնց մեծ մասը՝ Օմանում, գրում է BBC-ի ռուսական ծառայությունը։
Արաբական Միացյալ Էմիրություններում կաթվածահար է եղել Դուբայի միջազգային օդանավակայանի աշխատանքը, որն աշխարհում ամենամեծն է ուղևորափոխադրումների առումով։
Օդանավակայանը հեղեղվել է, հարյուրավոր չվերթներ չեղարկվել են։ Ուղևորներին խորհուրդ է տրվել ստուգել իրենց չվերթների կարգավիճակը և անհարկի չմեկնել դեպի տերմինալ 1, որը սպասարկում է միջազգային թռիչքները։
«ԱՄԷ-ում աննախադեպ եղանակի պատճառով Դուբայի միջազգային օդանավակայանում (DXB) չվերթները շարունակում են հետաձգվել կամ չեղարկվել։ Dubai Airports-ը խորհուրդ է տալիս ուղևորներին չայցելել տերմինալ 1, քանի դեռ չեն ստացել իրենց ավիաընկերությունից հաստատում, որ իրենց չվերթն իրականացվելու է»,- ասվում է օդանավակայանը կառավարող ընկերության հայտարարության մեջ:
