26.06.2026 | 08:14
ԱԱ-2026. ԱՄՆ-ը պարտվեց գոլառատ խաղում, Ավստրալիան փլեյ-օֆֆում է. ՏԵՍԱՆՅՈՒԹ
ՀՀ-ի դիմակայունության ամրապնդման համար Բրյուսելը ՀՀ-ին 15 մլն եվրո կփոխանցի
Քաղաքականություն
18.04.2024 | 10:26
ՀՀ-ԵՄ երկկողմ համագործակցության շրջանակներում նախատեսվում է «Պետության և դիմակայունության ամրապնդման պայմանագիր Հայաստանի Հանրապետության համար» համաձայնագրի ստորագրումը։ Բյուջետային աջակցության ֆինանսավորման շրջանակներում Բրյուսելը Երևանին 15 մլն եվրո կտրամադրի։
Համաձայնագրի նախագծում նշված է, որ գումարը տրամադրվում է փախստականների երեք ոլորտային կարիքների համար։
1․ Սոցիալ-տնտեսական դժվարությունների հաղթահարում, որը ներառում է միանվագ դրամական աջակցության տրամադրում, սննդի ապահովում։
2․ Միջնաժամկետ սոցիալ-տնտեսական կայունության ապահովում․ այն ներառում է էլեկտրաէներգիայի վարձերի վճարում, կացարանով ապահովում։
«Նշված գործողությունները նպատակ կունենան՝ աջակցելու փախստականներին՝ բնակություն հաստատելու իրենց նախընտրած վայրերում, և նրանց կտրամադրվի 6-ամսյա սոցիալական աջակցություն՝ աշխատաշուկա մուտք գործելու և տնտեսական գործունեություն ծավալելու համար»,-ասված է նախագծում։
3․ Փախստականների երկարաժամկետ սոցիալ-տնտեսական ինտեգրման ծրագրով նախատեսվում է կանանց, երեխաներին, հաշմանդամություն ունեցողներին ներգրավել հասարակական կյանքին։ Առաջնահերթություն է համարվում աշխատանքով և կրթությամբ ապահվելը։
Կառավարությունը տեղեկացնում է, որ բացի վերոնշյալ 15 մլն եվրոն, եվրոպական կողմի հետ բանակցում են նույնքան բյուջեով մեկ այլ առաջակի մասին, որը Բրյուսելը խոստացել է այս տարվա վերջին եռամսյակում։ Ծրագիրը ՀՀ կառավարության կողմից չի համաֆինանսավորվելու։
Բացի այդ, ՀՀ-ԵՄ Համապարփակ և ընդլայնված գործընկերության համաձայնագրի իրականացման շրջանակներում եվրոպական կողմը ևս 3 մլն եվրո կտրամադրի ՀՀ-ին։
