03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Հայաստանում զբոսաշրջիկներին առաջարկելու յուրօրինակ վայրեր շատ կան, որոնց մասին քիչ է խոսվում. Զ. Զեյթունցյան
Տնտեսություն
10.07.2017 | 18:41
Հուլիսի 10-ին ՀՀ տնտեսական զարգացման և ներդրումների նախարարությունում տեղի է ունեցել հանդիպում-քննարկում` Զբոսաշրջության պետական կոմիտեի և հայաստանյան ԶԼՄ-ների ներկայացուցիչների մասնակցությամբ:
Հանդիպումը նվիրված էր ՀՀ Զբոսաշրջության պետական կոմիտեի և հայաստանյան լրատվամիջոցների համագործակցության առավել ակտիվացմանը՝ ուղղված՝ Հայաստանի և Արցախի զբոսաշրջային ներուժի, հնարավորությունների վերաբերյալ Հայաստանի բնակչության և Սփյուռքի շրջանակներում իրազեկվածության բարձրացմանը։
«Տարեցտարի ավելանում է Հայաստան այցելությունների թիվը, ովքեր ցանկանում են ծանոթանալ երկրի պատմությանը, մշակույթին, ավանդույթներին և խոհանոցին։ Բացի հայտնի զբոսաշրջային կենտրոններից Հայաստանում զբոսաշրջիկներին առաջարկելու յուրօրինակ վայրեր շատ կան, որոնց մասին, սակայն քիչ է խոսվում, ներկայացվում ու հրապարակվում»,- հանդիպմանը նշեց ՀՀ Զբոսաշրջության պետական կոմիտեի նախագահ Զարմինե Զեյթունցյանը։
Նա նաև հավելեց, որ Հայաստանն ունի հանգստի շատ լավ հնարավորություններ, և կան վայրեր, որոնց մասին, ինչպես մեր հասարակությունը, այնպես էլ Սփյուռքը տեղեկացված չէ։
Նշենք, որ պետական քաղաքականության հիմնական խնդիրներից է, ինչպես ներգնա զբոսաշրջության մեջ առավել ավելացնել սփյուռքահայության այցելությունները, այնպես էլ զարգացնել ներքին զբոսաշրջությունը Հայաստանում և Արցախում։ Եվ այս երկու խնդիրների լուծման ուղղությամբ անհրաժեշտ է առավել ակտիվացնել կոմիտեի և լրատվամիջոցների համագործակցությունը։
Հանդիպման ընթացքում պայմանավորվածություն է ձեռք բերվել համատեղ համագործակցությամբ մշակել և որոշել երթուղիները դեպի վայրեր, որոնց մասին առավել քիչ տեղեկատվություն կա և կազմակերպել լուսաբանում, քննարկվել են նաև հետագա համագործակցության հնարավորությունները և քայլերը:
