04.08.2026 | 15:45
Տաջիկստանի նախագահը շնորհավորական ուղերձ է հղել Նիկոլ Փաշինյանին
Թբիլիսիում ոստիկանությունը ցուցարարների դեմ հատուկ միջոցներ է կիրառել. 11 մարդ բերման է ենթարկվել
Քաղաքականություն
17.04.2024 | 11:02
Թբիլիսիում հատուկ նշանակության ջոկատները հատուկ տեխնիկա են կիրառել Վրաստանի խորհրդարանի շենքի մոտ հավաքված ցուցարարների դեմ։ Հատուկ ջոկատայինների և ցուցարարների միջև առճակատումը սկսվել է հարակից փողոցներում գտնվող խորհրդարանի ելքերից մինչև լիագումար նիստի ավարտը, գրում է BBC-ի ռուսական ծառայությունը։
«Օտարերկրյա գործակալների» մասին օրինագծի դեմ բողոքի ակցիայի մասնակիցների մեծ մասը մինչև ուշ երեկո մնացել է Ռուսթավելի պողոտայում գտնվող խորհրդարանի շենքի դիմաց։
ՆԳՆ-ն հայտարարել է, որ անօրինական գործողությունները ճնշելու համար օգտագործել են այսպես կոչված «պղպեղի սփրեյ»։
Գերատեսչությունը պնդում է, որ ցուցարարները ոստիկանների ուղղությամբ նետել են առարկաներ, այդ թվում՝ քարեր և շշեր, ինչի հետևանքով ՆԳՆ աշխատակիցներից մեկը վիրավորվել է, իսկ վարչության մեքենան՝ վնասվել։ 11 անձ բերման է ենթարկվել․ նախորդ օրը հաղորդվել էր 14 մարդ։
«Մենք ևս մեկ անգամ կոչ ենք անում հանրահավաքի կազմակերպիչներին և մասնակիցներին բողոքի արտահայտումն ապահովել օրենքով նախատեսված շրջանակներում։ Յուրաքանչյուր ապօրինի գործողության կհետևի համապատասխան իրավական պատասխան»,- ասված է ՆԳՆ հաղորդագրության մեջ։
Երեքշաբթի օրը Վրաստանի խորհրդարանը լիագումար նիստում սկսել է «Օտարերկրյա ազդեցության թափանցիկության մասին» օրինագծի քննարկումը, որը, ըստ ընդդիմության, մշակվել է «Օտարերկրյա գործակալների մասին» ռուսական օրենսդրության նմանությամբ։
Օրինագծի առաջին ընթերցմամբ քվեարկությունը, հավանաբար, տեղի կունենա չորեքշաբթի օրը, քանի որ պատգամավորները դեռ շարունակում են ելույթները, հանդիպման ժամանակ ասել է խորհրդարանի նախագահ Շալվա Պապուաշվիլին։
