29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Վրաստանի խորհրդարանը բողոքի ակցիաների ֆոնին սկսել է քննարկել «օտարերկրյա գործակալների» մասին օրինագիծը
Քաղաքականություն
16.04.2024 | 15:13
Վրաստանի խորհրդարանի պատգամավորներն այսօր սկսել են քննարկել «Օտարերկրյա ազդեցության թափանցիկության մասին» օրենքի նախագիծը։ Օրենսդիր մարմնի մոտ բողոքի ցույց է ընթանում, որի մասնակիցները դեմ են դրա ընդունմանը, գրում է «Կավկազկի ուզելը»։
Ապրիլի 15-ին Վրաստանի խորհրդարանն առաջին ընթերցմամբ պաշտպանել է «Օտարերկրյա ազդեցության թափանցիկության մասին» օրինագիծը։ Անվտանգության ուժերը բերման են ենթարկել 14 մարդու, մեկ ոստիկան վիրավորվել է։ Հանրային պաշտպանն ու ակտիվիստները կոչ են արել ուժայիններին՝ չմիջամտել բողոքի ակցիաներին։
Ցուցարարներն այժմ խորհրդարանի շենքի հետնամասում են, իսկ տեղական ժամանակով 19։00-ից բողոքի ակցիան կտեղափոխվի Ռուսթավելի պողոտա՝ խորհրդարանի շենքի դիմաց, հաղորդում է Interpressnews-ը։
Հիշեցնենք, որ իշխող «Վրացական երազանք» կուսակցությունը խորհրդարան է ներկայացրել «Օտարերկրյա ազդեցության թափանցիկության մասին» օրինագիծը, որը դարձել է «օտարերկրյա գործակալների» մասին նախորդ օրենքի նախագծի փոփոխված տարբերակը։
