06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
Կանադայի ԱԳ նախարարը ողջունել է ՀՀ-ում ԵՄ առաքելությանը կանադացի փորձագետի մասնակցությունը
Քաղաքականություն
16.04.2024 | 11:08
Կանադայի ԱԳ նախարար Մելանի Ժոլին ողջունել է կանադացի առաջին փորձագետի ժամանումը ՀՀ՝ մասնակցելու ԵՄ քաղաքացիական դիտորդական առաքելությանը։
«Անցյալ տարվա իմ այցից վերադառնալով՝ (խոսքը Հայաստան կատարած այցի մասին է) առանցքային առաջնահերթություն էր Հարավային Կովկասում կայունության և անվտանգության ապահովման ուղիների ուսումնասիրությունը, այդ թվում՝ Հայաստանի տարածքային ամբողջականության հարգումը։ Ողջունում ենք ՀՀ-ում ԵՄ առաքելությանը մեր առաջին փորձագետի՝ Ալեքսանդր Գրուշևսկիի միանալու լուրը»,- գրել է Ժոլին X-ի իր էջում։
Նշենք, որ նախօրեին ՀՀ-ում ԵՄ առաքելությունը հայտնել էր, որ կանադացի առաջին փորձագետն է ժամանել։
«Ուրախ ենք ողջունել կանադացի առաջին փորձագետ Ալեքսանդր Գրուշևսկիին EUMA-ում։ Կանադան առաջին երկիրն է, որն աջակցում է Հայաստանում ԵՄ առաքելությանը»,- ասվում է առաքելության X-ի էջում արված գրառման մեջ։ Ավելի վաղ Եվրոպական խորհրդի Քաղաքական և անվտանգության հարցերի հանձնաժողովը հավանություն էր տվել Հայաստանում ԵՄ դիտորդական առաքելությանն աջակցելու՝ Կանադայի առաջարկին։
