24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
ՀԱՊԿ ռազմական կոմիտեն որոշել է Հավաքական ավիացիոն ուժերի զարգացման ուղղությունները. ՀՀ-ն չի մասնակցել նիստին
Քաղաքականություն
12.04.2024 | 16:00
ՌԴ Զինված ուժերի գլխավոր շտաբի պետ, պաշտպանության նախարարի առաջին տեղակալ Վալերի Գերասիմովի նախագահությամբ տեղի է ունեցել Հավաքական անվտանգության պայմանագրի կազմակերպության (ՀԱՊԿ) ռազմական կոմիտեի տեսանիստը։ ՏԱՍՍ-ի փոխանցմամբ՝ ի թիվս այլ բաների՝ որոշվել են ՀԱՊԿ Հավաքական ավիացիոն ուժերի զարգացման հիմնական ուղղությունները, հաղորդում է ՌԴ ՊՆ-ն։
Հայաստանը հանդիպմանը չի մասնակցել։
«Հանդիպմանը մասնակցել են Բելառուսի, Ղազախստանի, Ղրղզստանի և Տաջիկստանի զինված ուժերի գլխավոր շտաբների պատվիրակությունները, միացյալ շտաբի և ՀԱՊԿ քարտուղարության ներկայացուցիչներ»,- ասվում է հաղորդագրության մեջ։
Նշվում է, որ որոշվել են նաև «ՀԱՊԿ Հավաքական ավիացիոն ուժերի զարգացման և ՀՕՊ կազմակերպման ուղղությամբ հետագա աշխատանքի ուղղությունները Կենտրոնական Ասիայի հավաքական անվտանգության տարածաշրջանում»,- Գերասիմովի խոսքերն է մեջբերում ՌԴ ՊՆ-ն։
Կողմերը վերլուծել են ՀԱՊԿ պատասխանատվության գոտում ստեղծված ռազմաքաղաքական իրավիճակը, սպառնալիքներն ու անվտանգության մարտահրավերները ՀԱՊԿ անդամ երկրներին, ինչպես նաև նախանշվել են ռազմական ոլորտում հետագա փոխգործակցության ուղիները։
«Մենք պայմանավորվեցինք շարունակել աշխատանքը գոյություն ունեցող սպառնալիքները չեզոքացնելու և կազմակերպության ռազմական ներուժը բարելավելու ուղղությամբ»,- ասել է Գերասիմովը։
