22.07.2026 | 16:21
Քոլբի Քովինգթոն․ «Համոզված եմ` Արման Ծառուկյանը դառնալու է UFC-ի չեմպիոն»
Մինսկում ընթանում է ԱՊՀ ԱԳ նախարարների խորհրդի նիստը. Արարատ Միրզոյանը չի մասնակցում
Քաղաքականություն
12.04.2024 | 12:46
Մինսկում ընթանում է ԱՊՀ ԱԳ նախարարների խորհրդի նիստը, որին մասնակցում են 9 երկրների պատվիրակություններ, գրում է ԲԵԼՏԱ-ն։
Նշվում է, որ ուշադրության կենտրոնում են միջազգային օրակարգի արդի խնդիրները և ԱՊՀ ձևաչափով փոխգործակցությունը: Պատվիրակությունների հանդիպումներն անցկացվելու են նեղ և ընդլայնված կազմով։
ՀՀ ԱԳ նախարար Արարատ Միրզոյանը չի մասնակցում հանդիպմանը։ Հայաստանը ներկայացնում է ԱԳ փոխնախարար Մնացական Սաֆարյանը։
Նախատեսված են քննարկումներ ԱՊՀ անդամ երկրներ ուղարկված պատվիրակությունների իրավական կարգավիճակի մասին կոնվենցիայի նախագծի վերաբերյալ, 2025-2026 թվականների սպորտային մայրաքաղաքների հայտարարման, ռազմական անվտանգության ապահովման հիմնախնդիրների հետազոտման բնագավառում ԱՊՀ երկրների հիմնարար կազմակերպությունների կարգավիճակ տալու մասին, ինչպես նաև համալսարանական սպորտի և դատական համակարգերի համար կադրերի պատրաստման, վերապատրաստման ու խորացված ուսուցման ոլորտներում և այլ հարցեր։
ԱԳ նախարարների խորհրդի նիստի մասնակիցները հայտարարություններ են ընդունելու լրագրողների մասնագիտական գործունեության համար անվտանգ պայմանների ապահովման և նրանց իրավունքների ոտնահարումը կանխելու, ՄԱԿ-ի Գլխավոր վեհաժողովում ԱՊՀ-ին դիտորդի կարգավիճակ շնորհելու 30-ամյակի և 2024 թվականի մարտի 22-ին Մոսկվայի մարզում տեղի ունեցած ահաբեկչության վերաբերյալ։
