14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Սանահին թաղամասը կառանձնացվի Ալավերդիից՝ որպես առանձին բնակավայր
Քաղաքականություն
11.04.2024 | 22:00
Հայաստանի կառավարությունը որոշել է փոփոխություն կատարել «ՀՀ վարչատարածքային բաժանման մասին» ՀՀ օրենքում։ Փոփոխություններ մասին հարցն ընդգրկված է կառավարության վաղվա նիստի օրակարգում։
Ըստ այդ փոփոխության՝ Ալավերդի համայնքի բնակավայրերի ցանկի «Ջիլիզա գյուղ» տողից հետո պետք է լրացվի «Սանահին գյուղ» տողը, այպիսով՝ Սանահին թաղամասը կառանձնացվի Ալավերդի բնակավայրից և կներառվի Ալավերդի համայնքում՝ որպես առանձին բնակավայր:
Ալավերդի համայնքն է նման ցանկություն հայտնել և համայնքի ղեկավարի կողմից ներկայացվել է միջնորդություն՝ Ալավերդի բնակավայրի Սանահին թաղամասը (նախկին Սանահին գյուղը)՝ որպես բնակավայր առանձնացնելու վերաբերյալ:
Անցած տարի ապրիլի 19-ին Կադաստրի կոմիտեում տեղի էր ունեցել ՀՀ աշխարհագրական օբյեկտների անվանակոչումների և անվանափոխումների մասնագիտական հանձնաժողովի հերթական նիստը, որի ընթացքում քննարկվել էր Ալավերդի քաղաքից առանձնացվող Սանահին թաղամասը որպես նոր բնակավայր «Սանահին գյուղ» անվանակոչելու հարցը, որը միաձայն ստացել էր դրական եզրակացություն:
Տեղեկացնենք, որ Սանահին գյուղը 1967 թվականից Ալավերդի քաղաքի մաս է կազմում: Գյուղն առաջին հերթին հայտնի է Սանահինի վանքով, որը հանդիսանում ՅՈԻՆԵՍԿՕ-ի համաշխարհային ժառանգության մաս: Սանահինի պատմությունն սկսվում է 10-րդ դարից վանական համալիրի հիմնադրմամբ: Գյուղն ունի 273 տնային տնտեսություն:
Համաձայն բնակչության ռեգիստրի տվյալների՝ գյուղում հաշվառված է 800 բնակիչ, որից 200-ը՝ անչափահաս: Մշտապես բնակվում է շուրջ 200 ընտանիք:
