11.08.2026 | 22:39
Ճապոնիայի Իբարակի նահանգում մոլեգնում է թայֆունը
Մենք աջակցում ենք Ադրբեջանին․ Թուրքիայի ՊՆ ղեկավար
Քաղաքականություն
11.04.2024 | 21:54
Թուրքիայի պաշտպանության նախարար Յաշար Գյուլերը գլխավոր շտաբի պետ Մեթին Գյուրաքի և այլ բարձրաստիճան պաշտոնյաների հետ հանդիպում է անցկացրել Շանլըուրֆայում։ Թուրքական լրատվամիջոցների հաղորդմամբ՝ նա ասել է, որ երկիրը գտնվում է հակամարտություններով և վեճերով շրջապատված տարածաշրջանի սրտում ու նախագահ Ռեջեփ Թայիփ Էրդողանի գլխավորությամբ կարևոր նախաձեռնություններ է ձեռնարկում ճգնաժամերի և խնդիրների լուծման ուղղությամբ։
«Այս համատեքստում մենք ձեռնարկել և շարունակում ենք ձեռնարկել արժեքավոր նախաձեռնություններ՝ ինտենսիվ ջանքեր գործադրելով բազմաթիվ խնդիրներ լուծելու համար Ղարաբաղում, Լիբիայում, ուկրաինա-ռուսական պատերազմում, Մերձավոր Արևելքի և հարակից տարածաշրջաններում»,- ասել է Գյուլերը։
Նա նշել է, որ Թուրքիան աջակցում է Ադրբեջանին։
«Որպես Թուրքիայի Զինված ուժեր՝ մենք աջակցում ենք եղբայր, բարեկամ և դաշնակից երկրների, հատկապես Կիպրոսի (Հյուսիսային Կիպրոսի թուրքական հանրապետություն) և Ադրբեջանի արդար գործին։ Մենք նպաստում ենք համաշխարհային և տարածաշրջանային անվտանգությանը, խաղաղությանը և կայունությանը»,- հայտարարել է Թուրքիայի ՊՆ ղեկավարը՝ հավելելով, որ թուրքական բանակն աշխարհի ամենաուժեղ և արդյունավետ բանակներից է։
