04.05.2024 | 17:18
ՈՒԵՖԱ-ն հաստատել է մրցաշարի մասնակից թիմերի հայտացուցակներն ընդլայնելու տարբերակը. Եվրո-2024
Հնդկաստանը ռազմական կցորդ է նշանակել Հայաստանում
Քաղաքականություն
11.04.2024 | 13:26
Հնդկաստանը ռազմական կցորդների է ուղարկում 10 նոր երկրներ, առաջին անգամ նաև Հայաստանում է ռազմական ներկայացուցիչ նշանակվել։ Այս մասին հայտնում է PTI-ն՝ վկայակոչելով աղբյուրներին, փոխանցում է ՏԱՍՍ-ը։
Բարեփոխումն իրականացվում է՝ «օպտիմալացնելով բանակի, նավատորմի և ռազմաօդային ուժերի ներկայացուցիչների թիվը դիվանագիտական մեծ առաքելություններ ունեցող երկրներում», ինչպիսիք են Ռուսաստանը, Ֆրանսիան և Մեծ Բրիտանիան։
Դելին 15-16 ռազմական կցորդների ուղարկելու է այլ երկրներ, որոնք առաջին անգամն են ընդունելու Հնդկաստանի ռազմական ներկայացուցիչներին։ Նշվում է, որ շեշտը դրվում է այն երկրների վրա, որոնց հետ Հնդկաստանը զարգացնում է ռազմատեխնիկական համագործակցությունը։
Մասնավորապես, առաջին անգամ ռազմական կցորդ է նշանակվել Հայաստանում, որի հետ Հնդկաստանն արդեն պայմանավորվել է Pinaka կայանների, Akash փոքր հեռահարության զենիթահրթիռային համակարգի և այլ զինատեսակների մատակարարման շուրջ։
Նոր ռազմական ներկայացուցիչներ են ուղարկվելու նաև Ջիբութի, Կոտ դ’Իվուար, Մոզամբիկ, Լեհաստան, Տանզանիա, Ֆիլիպիններ և Եթովպիա։
