12.01.2025 | 17:49
Սպիտակ-Վանաձոր երթուղու միկրոավտոբուսի վթարի հետևանքով 12 քաղաքացի տեղափոխվել է հիվանդանոց, բոլորը դուրս են գրվել
Անօդաչու թռչող սարքի միջոցով փորձ է արվել փոխանցել արգելված իրեր «Սևան» քրեակատարողական հիմնարկ
Հասարակություն
10.04.2024 | 20:27
ՀՀ ԱՆ «Սևան» քրեակատարողական հիմնարկի անվտանգության ապահովման բաժնի և Քրեակատարողական ծառայության կենտրոնական մարմնի օպերատիվ վարչության «Սևան» տարածքային բաժնի ծառայողները, իրացնելով նույն տարածքային բաժնում ստացված օպերատիվ տեղեկությունները, ապրիլի 9-ին՝ ժամը 13։30-ի սահմաններում, իրականացրել են հիմնարկի արտաքին տարածքի զննություն։
Տեղազննության արդյունքում երկու դիտաշտարակների միջնամասից հայտնաբերվել է անօդաչու թռչող սարքով նետված փաթեթ, որի ծայրին ամրացված է եղել որպես կախիչ ծառայող մետաղական օղակ։
Փաթեթում առկա են եղել 2 բջջային հեռախոս, 35 հատ լիրիկա տեսակի հոգեմետ դեղապատիճ։ Բացի այդ՝ փաթեթում հայտնաբերվել են 7,3 գրամ քաշով, բաց դարչնագույն, փխրուն զանգվածներ, 11,3 գրամ քաշով, սպիտակ, բյուրեղանման և 18,4 գրամ քաշով, կանեփանման, դեղնականաչավուն, բուսական զանգվածներ։
Հայտնաբերվածներն ուղարկվել են ՀՀ ՔԿ Կոտայքի մարզային քննչական վարչություն։
