22.02.2026 | 22:33
Ձմեռային Օլիմպիական խաղերի մեդալային հաշվարկում Նորվեգիան հաղթեց ռեկորդով
Ադրբեջանի հոգևոր առաջնորդը հայտարարել է, թե կքննարկվի Ամենայն Հայոց կաթողիկոսին Բաքվի կրոնական համաժողովին հրավիրելու հարցը
Քաղաքականություն
10.04.2024 | 11:29
Կովկասի մահմեդականների վարչության ղեկավար շեյխ ուլ-իսլամ Ալլահշուքյուր Փաշազադեն լրագրողների հետ զրույցում հայտարարել է, որ քննարկվելու է Ամենայն Հայոց Գարեգին 2-րդ կաթողիկոսին այս տարեվերջին Բաքվում նախատեսված հոգևոր առաջնորդների համաժողովին հրավիրելու հարցը։
«Ժամանակին ես նրան հրավիրել եմ Ադրբեջան, եկել մասնակցել է կրոնական կոնֆերանսի։ Այսօր հայկական եկեղեցին, իրենց կաթողիկոսի գլխավորությամբ, ամբողջ աշխարհում «ռևանշիզմ» է քարոզում։ Նրանք չեն կարողանում հաշտվել այն փաստի հետ, որ Ադրբեջանն ազատագրել է իր հողերը։ Նրանք դեռ համաձայն չեն, որ Ղարաբաղն ադրբեջանական հող է։ Մենք նրան առաջարկել ենք ընդունել դա»,- ասել է Փաշազադեն։
