29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Էրդողանն ու Ալիևը հեռախոսազրույց են ունեցել
Քաղաքականություն
09.04.2024 | 17:41
Թուրքիայի և Ադրբեջանի նախագահներ Ռեջեփ Թայիփ Էրդողանն ու Իլհամ Ալիևը հեռախոսազրույց են ունեցել։ Ադրբեջանի նախագահի աշխատակազմի հաղորդագրության համաձայն՝ զրույցը տեղի է ունեցել թուրքական կողմի նախաձեռնությամբ։ Ալիևն ու Էրդողանը շնորհավորանքներ են փոխանակել Ռամադան տոնի կապակցությամբ, բարօրություն և բարգավաճում մաղթել ադրբեջանցի և թուրք ժողովուրդներին։
«Հեռախոսազրույցի ընթացքում պետությունների ղեկավարները վստահություն են հայտնել, որ ադրբեջանա-թուրքական բարեկամության, եղբայրության և դաշնակցային հարաբերություններն ապագայում կզարգանան և կամրապնդվեն բոլոր ոլորտներում, մտքեր են փոխանակել համագործակցության հեռանկարների շուրջ»,- ասվում է հաղորդագրության մեջ։
Թուրքական կողմի հաղորդմամբ՝ զրույցի ընթացքում քննարկվել են տարածաշրջանային և գլոբալ խնդիրներ, ինչպես նաև Թուրքիա-Ադրբեջան հարաբերություններին առնչվող հարցեր։
Նշենք, որ մայիսի 31-ին Թուրքիայում տեղի ունեցած ՏԻՄ ընտրություններում Էրդողանի գլխավորած Արդարություն և զարգացում կուսակցության պարտությունից հետո սա երկու երկրների ղեկավարների առաջին հեռախոսազրույցն է։
Ընտրություններից հետո Ալիևը չի զանգահարել Էրդողանին ընտրություններից հետո, ինչպես անում է սովորաբար։ 2014 և 2019 թվականների ՏԻՄ ընտրություններից հետո Ալիևն ընտրատեղամասերի փակվելուց ու նախնական արդյունքների հրապարակումից մի ժամ հետո զանգահարել էր Էրդողանին ու շնորհավորել ընտրություններում հաղթանակի կապակցությամբ։
Ի տարբերություն Ալիևի՝ Ուզբեկստանի ու Ղրղզստանի նախագահները մարտի 31-ի երեկոյան զարգահարել են Էրդողանին ու շնորհավորել «ժողովրդավարական հասունությամբ ընտրությունների անցկացման համար»։
Էմմա Չոբանյան
