07.10.2026 | 11:20
Հայտնի է հունահռոմեական ոճի ըմբշամարտի Հայաստանի հավաքականի կազմն ԱԱ-ում
«Ռոսատոմ»-ը հայտնել է թուրքական «Աքքույու» ԱԷԿ-ի առաջին էներգաբլոկի շինարարությունն ավարտական փուլի հասցնելու մասին
Քաղաքականություն
09.04.2024 | 17:09
Թուրքիայում կառուցվող «Աքքույու» ատոմակայանի թիվ 1 էներգաբլոկում սկսվել են շահագործման հանձնման աշխատանքները։ Այս մասին հայտնել է ռուսական «Ռոսատոմը», գրում է ՌԻԱ Նովոստին։
«2024 թվականի ապրիլի 9-ին Թուրքիայում կառուցվող «Աքքույու» ատոմակայանի թիվ 1 էներգաբլոկում սկսվել է նոր առանցքային փուլը՝ շահագործման աշխատանքները»,- ասվում է հաղորդագրության մեջ։
Շահագործման աշխատանքներն ատոմակայանի կառուցման վերջին փուլն են և ներառում են մի շարք գործողությունների համալիր՝ մոնիթորինգ և փորձարկում՝ կայանի հուսալի և անվտանգ շահագործումն ապահովելու համար: Առաջին էներգաբլոկի գործարկումը նախատեսված է այս տարի։
Նշենք, որ մարտի վերջին «Աքքույու» ատոմակայանի շինարարության աշխատակիցները դադարեցրել էին աշխատանքը՝ մեկ ամիս աշխատավարձ չստանալու պատճառով։ Հարյուրավոր աշխատողներ բողոքի ակցիա էին նախաձեռնել շինհրապարակում՝ որոշելով դադարեցնել աշխատանքը, մինչև չստանան իրենց աշխատավարձերը։ Աշխատողները պահանջում էին բարելավել աշխատանքային պայմանները, ուժեղացնել անվտանգության միջոցները շինհրապարակում՝ բարդ աշխատանքային միջավայրի պատճառով:
Թուրքական առաջին ատոմակայանը կառուցում է ռուսական «Ռոսատոմ» ընկերությունը։ Ռուսաստանի ու Թուրքիայի միջև Մերսինում «Աքքույու» ատոմակայանի կառուցման, շահագործման մասին համաձայնագիրը ստորագրվել է 2010 թվականին։ Թուրքական առաջին ԱԷԿ-ի ծրագիրը ներառում է 4 էներգաբլոկ՝ 4800 մեգավատտ հզորությամբ ВВЭР-1200 ռեակտորներով։
Էմմա Չոբանյան
