07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Արշա՜կ, տո՛ւն արի, սպասում ենք. Անդրանիկ Քոչարյանը՝ Արշակ Կարապետյանին․ ՏԵՍԱՆՅՈՒԹ
Քաղաքականություն
09.04.2024 | 13:44
«Քոռանամ ես, եկեք բոլորս միասին հուզվենք, Արշա՛կ, տուն արի՛, արի տրիբունալ այստեղ ստեղծենք»,- լրագրողների հետ ճեպազրույցում այսպես արձագանքեց ԱԺ պաշտպանության հանձնաժողովի նախագահը՝ անդրադառնալով դիտարկմանը, թե ՊՆ նախկին նախարար Արշակ Կարապետյանը խոսել է Նիկոլ Փաշինյանին պատասխանատվության ենթարկելու տրիբունալի ստեղծման մասին։
Անդրանիկ Քոչարյանի խոսքով՝ Հայաստանից փախած Պաշտպանության նախկին նախարար Արշակ Կարապետյանը խոսում է կրակել-չկրակելուց։
Անդրադառնալով Արշակ Կարապետյանի կուսակցություն ստեղծելուն՝ Քոչարյանն արձագանքեց. «Որտե՞ղ է Կարապետյանը, դուք «տելեվիզորո՞վ» եք տեսել, ինչո՞ւ ցույց չտվեցիք այդ կուսակցության համագումարը։ Արշակ Կարապետյանը բացի իր կողմից նախկինում հավաքագրած գործակալական ներկայացուցիչներից չէր կարող քաղաքական դաշտում գործունեություն ծավալել։
Այո՛, ես հետևում եմ ՀՀ-ից փախած պաշտպանության նախարարների հետագծին։ Արշակ Կարապետյանին վաղուց եմ հետևում, առաջին քննիչ հանձնաժողովից սկսած։ Արշակ Կարապետյանին սպասում ենք Հայաստանում»։
