11.07.2026 | 00:59
ԱԱ-2026․ Իսպանիան հաղթեց և կիսաեզրափակիչում կմրցի Ֆրանսիայի հետ․ ՏԵՍԱՆՅՈՒԹ
Աջակցել ՀՀ էներգետիկ դիվերսիֆիկացմանը, վերածել տարածաշրջանում տրանսպորտային հանգույցի․ ի՞նչ է ենթադրում ՀՀ դիմակայունության ԵՄ ծրագիրը
Քաղաքականություն
05.04.2024 | 20:25
ԵՄ-ն և Հայաստանը ներկայացնում են իրենց տեսլականը նոր, հավակնոտ Գործընկերության օրակարգի համար: Դրան աջակցելու նպատակով ԵՄ-ն ՀՀ-ի համար առաջարկում է 270 միլիոն եվրոյի դիմակայունության ու աճի՝ 2024-2027 թվականների ծրագիր։ Այն ենթադրում է 200 միլիոն եվրո դրամաշնորհային աջակցություն, 70 միլիոն եվրո ֆինանսավորում կապի, կայունության և բիզնեսի զարգացման համար։
Ծրագիրը կենտրոնանալու է հետևյալ առաջնահերթությունների վրա՝
հայ հասարակության տոկոնություն;
աջակցություն ժողովրդավարական բարեփոխումներին, մարդու իրավունքներին և օրենքի գերակայությանը;
աջակցել բարեփոխումներին և ներդրում կատարել հմտությունների ու զբաղվածության բնագավառում;
աջակցել տեղահանվածների երկարաժամկետ ինտեգրմանը, ներառյալ՝ բնակարանային և զբաղվածության հարցերին միջազգային գործընկերների հետ։
Ներդրումներ կապի և բիզնեսի մեջ՝
Աջակցել Հայաստանի էներգետիկ դիվերսիֆիկացմանն ու անվտանգությանը ավելի շատ ներդրումներով՝ վերականգնվող էներգիայի և Վրաստանի հետ ավելի ուժեղ հաղորդման ցանցի միջոցով;
Մոբիլիզացնել ներդրումները տրանսպորտային ենթակառուցվածքներում՝ զարգացնելու Հայաստանի դերը՝ որպես լոգիստիկ և տրանսպորտային հանգույցի տարածաշրջանում;
Ներդրումներ կատարել բիզնեսի զարգացման մեջ՝ ուղղված տեխնոլոգիական սթարթափերին և ՓՄՁ-ներին՝ նոր շուկաներ մուտք գործելու համար;
Տնտեսական և ներդրումային ծրագրի շրջանակում մոբիլիզացնել ներդրումները կապի ոլորտում և աջակցել Հայաստանի մասնակցությանը տարածաշրջանային նախագծերին, մասնավորապես՝ Սևծովյան էլեկտրաէներգիայի մալուխին:
Հայաստանին մոտեցնել Եվրոպային՝
Օգնել ուժեղացնել վարչակազմերն ու հաստատությունները;
Աջակցել ավիացիոն և միջուկային անվտանգությանը; նպաստել Հայաստանի արտահանման դիվերսիֆիկացմանը և աջակցել նոր շուկաներ հայկական արտադրանքի արտահանման խթանմանը։
