01.05.2026 | 23:26
Հարյուր հազարավոր մարդիկ Գերմանիայում մայիսմեկյան ցույցերի են դուրս եկել
Ինչ են քննարկել հեռախոսազրույցում Ալիևն ու Ուրսուլա ֆոն դեր Լեյենը
Քաղաքականություն
05.04.2024 | 11:11
Ադրբեջանի նախագահ Իլհամ Ալիևն ու Եվրահանձնաժողովի նախագահ Ուրսուլա ֆոն դեր Լեյենը նախօրեին հեռախոսզրույց են ունեցել։
«Նախագահ Ալիևի հետ զրույցի ընթացքում մենք քննարկել ենք ԵՄ-Ադրբեջան հարաբերությունների կարևորությունը կայուն և բարգավաճ Հարավային Կովկասի համար։ Մենք պատրաստ ենք քայլեր ձեռնարկել ականազերծմանն աջակցելու համար։ Մենք նաև քննարկել ենք, թե ինչպես կարելի է COP29-ը հաջողությամբ անցկացնել Բաքվում»,- գրել է ֆոն դեր Լեյենը X-ի իր էջում։
Ադրբեջանական կողմն էլ տարածած հաղորդագրության նշում է, որ կողմերը քննարկել են Ադրբեջանի և ԵՄ-ի միջև համագործակցության հեռանկարները, հատկապես՝ վերականգնվող էներգիայի, տրանսպորտային հաղորդակցության, էներգետիկ անվտանգության և այլ ոլորտներում։ Ֆոն դեր Լեյենը հայտարարել է ԵՄ-ի պատրաստակամության մասին՝ աջակցելու Ադրբեջանին հումանիտար ականազերծման գործում։
«Զրույցի ընթացքում կողմերն անդրադարձել են նաև ապրիլի 5-ին Բրյուսելում կայանալիք ԵՄ-ԱՄՆ-Հայաստան եռակողմ հանդիպմանը։ Ալիևն արտահայտել է Ադրբեջանի դիրքորոշումն այս հանդիպման վերաբերյալ և նշել տարածաշրջանային ներառականության կարևորությունը»,-ասվում է հաղորդագրության մեջ։
Հավելենք, որ ավելի վաղ եռակողմ հանդիպման վերաբերյալ Ալիևը դժգոհել էր նաև ԱՄՆ պետքարտուղար Էնթոնի Բլինքենին։
