14.12.2025 | 13:11
ՀՀ դրոշ՝ Սուրբ Գևորգ եկեղեցում. Արմավիրի թեմում Փաշինյանի ցանկությունը չեն անտեսել
Զախարովան հայտարարել է, թե «ՀՀ-ն իզուր է իր հին քաղաքակրթությունը համեմատում ԵՄ-ի հետ»
Քաղաքականություն
03.04.2024 | 11:42
Հայաստանի ներկայիս իշխանություններն իզուր են դարավոր պատմություն ունեցող հայկական հին քաղաքակրթությունը համեմատում Եվրամիության հետ, «որի գործերն այսօր անկեղծորեն վատ են»։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՏԱՍՍ-ը։
«Ես տեսա Հայաստանի պաշտոնական կառույցների ներկայացուցիչներից մեկի մեջբերումը, որն ասում էր, թե Հայաստանը եվրոպական ժողովրդավարական և որոշ այլ արժեքների կրողն է։ Գիտե՞ք՝ ինչն է ինձ ապշեցնում, իսկ ինչո՞ւ են Երևանում իշխանությունների ներկա ներկայացուցիչները դեմփինգ անում։ Ինչո՞ւ են նրանք հին հայկական քաղաքակրթությունը համեմատում գոյություն ունեցող մշակույթի, պատմության, պետականության հետ, ներեցեք, որը եղել է եվրոպական ժողովրդավարությունից շատ առաջ, ներկայիս Եվրամիության հետ, որն իսկապես փակուղում է: Եվ հենց այս մասին են խոսում, երբ մեջբերում են եվրոպական ժողովրդավարության մասին խոսքեր»,- ասել է Զախարովան «Զվեզդա»-ի հետ զրույցում։
Ըստ Զախարովայի՝ «Հայաստանը մշակույթ է, պետական կառուցվածք և պետականության այն բոլոր հիմքերը, որոնք արմատներով գնում են հազարամյակներ, և որոնք հազարամյակների պատմություն ունեն»։
