15.09.2026 | 14:11
ԿԲ նախագահ Մարտին Գալստյանի ասուլիսը. ՈՒՂԻՂ
Ադրբեջանի Մեջլիսի նախագահը՝ Ժնևում Ալեն Սիմոնյանի հետ հանդիպման մասին
Քաղաքականություն
29.03.2024 | 12:01
Ադրբեջանի Միլլի Մեջլիսի նախագահ Սահիբա Գաֆարովան խորհրդարանի այսօրվա նիստում խոսել է Ժնև կատարած այցի ընթացքում ՀՀ Ազգային ժողովի նախագահ Ալեն Սիմոնյանի հետ հանդիպման մասին՝ նշելով, որ այն կազմակերպվել է Միջխորհրդարանական միության նախաձեռնությամբ և միջնորդությամբ։
«Քննարկվել է, թե ինչպես են երկու երկրների խորհրդարաններն աջակցելու խաղաղության գործընթացին խաղաղ բանակցությունների պայմաններում»,- նշել է Ադրբեջանի Մեջլիսի խոսնակը, գրում են ադրբեջանական լրատվամիջոցները։
Հանդիպումը տեղի էր ունեցել մարտի 22-ին Ժնևում անցկացվող Միջխորհրդարանական միության 148-րդ վեհաժողովի շրջանակում։
Ըստ ՀՀ ԱԺ-ի՝ քննարկվել է Հայաստանի եւ Ադրբեջանի միջև ընթացող խաղաղ բանակցությունների գործընթացին երկու երկրների խորհրդարանների հնարավոր աջակցությունը։ Կողմերը պայմանավորվել են դիտարկել միջխորհրդարանական մակարդակով երկխոսության հնարավորությունը:
Միաժամանակ, ՀՀ ԱԺ նախագահ Ալեն Սիմոնյանը Հանրայինի եթերում ասել է, որ առաջիկայում նախատեսվում է ադրբեջանցի պաշտոնակցի հետ ևս մեկ հանդիպում։
Էմմա Չոբանյան
