05.08.2026 | 19:14
«Գյոռմամիշից» մինչև «հորթ»․ ԱԺ-ում բանավեճ՝ բարեկրթության սահմանից այն կողմ. ՏԵՍԱՆՅՈՒԹ
Հայաստանում անց է կացվել «Կիբեռանվտանգության ռազմավարության ներդրում» թեմայով աշխատաժողով
28.03.2024 | 14:35
Հայաստանի տեղեկատվական համակարգերի գործակալությունը ԱՄՆ պետդեպարտամենտի կիբեռանվտանգության և թվային քաղաքականության բյուրոյի և ՀՀ բարձր տեխնոլոգիական արդյունաբերության նախարարության հետ համատեղ մարտի 27-ին և 28-ին կազմակերպել է աշխատաժողով` «Կիբեռանվտանգության ռազմավարության ներդրում» թեմայով:
Աշխատաժողովը միտված է բարձրացնելու ազգային կիբեռանվտանգության մակարդակը՝ հաշվի առնելով ներկա կիբեռ սպառնալիքները, կառավարման ռիսկերը և գլոբալ մարտահրավերները։
Աշխատաժողովի նպատակն է միավորել ազգային կարողությունները և համատեղել ինստիտուցիոնալ ջանքերը ազգային կիբեռ էկոհամակարգի ստեղծման ուղղությամբ, սահմանել կիբեռ կարողությունների զարգացման առաջնահերթությունները, ինչպես նաև ուրվագծել երկրի կիբեռ սպառնալիքների միջավայրը և կիբեռ դիմակայության բարձրացման առաջնահերթությունները:
Աշխատաժողովի շրջանակներում ներկայացվել են ազգային կիբեռանվտանգության ռազմավարության մշակման միջազգային մոտեցումները, մոդելները, ներդրման միջազգային առաջատար փորձը, ինչպես նաև կիբեռ կարողությունների զարգացման ռազմավարական մոտեցումները։
Այս աշխատաժողովը նպատակ ունի նաև ներկայացնելու կիբեռ ռիսկերի զսպմանը և կառավարմանն ուղղված ռազմավարական ներդրումների ազգային շրջանակի, ուղղությունների և առաջնահերթությունների մշակման միջազգային առաջատար փորձը:
