17.03.2026 | 15:09
Սթափության զննություն չանցնելու համար փորձել էր կաշառել պարեկներին. վարորդը ձերբակալվել է
«Ֆրանսիան Հայաստանին նոր պատերազմի է դրդում». Ադրբեջանի Պետանվտանգության ծառայության ղեկավար
Քաղաքականություն
28.03.2024 | 12:32
Ադրբեջանի Պետական անվտանգության ծառայության ղեկավար Ալի Նագիևը հայտարարել է, թե Փարիզը Երևանին նոր պատերազմի է դրդում Հարավային Կովկասում: Ադրբեջանական լրատվամիջոցները մեջբերում են Նագիևի խոսքերը․
«Ֆրանսիան այնտեղ տեղակայում է իր ռազմական առաքելությունը, Հայաստանին հրահրում է հերթական պատերազմի՝ փորձելով իրագործել Հարավային Կովկասը մարտադաշտի վերածելու իր ծրագիրը»,-ասել է Նագիևը։
Շարունակելով Փարիզի դեմ մեղադրանքների շարքը՝ նա հայտարարել է, թե «Ֆրանսիան, չսահմանափակվելով դրանով, սեփական հետախուզական ծառայությունների ներկայացուցիչների միջոցով իր նպատակին հասնելու համար գաղտնի համագործակցության է ներգրավում տարբեր անձանց, ստեղծում է լրտեսական ցանց և գործում ի վնաս Բաքվի։ Նագիևն ասել է, որ իր ղեկավարած գերատեսչությունը այդ ցանցը՝ ձեռնարկելով «անհրաժեշտ և համարժեք քայլեր»։
«Հետագայում էլ համապատասխան միջոցներ կձեռնարկվեն մեր պետության անվտանգությանը սպառնացող վտանգները կանխելու և ճնշելու համար, օպերատիվ իրավիճակը միշտ կլինի հսկողության տակ։ Մենք միշտ պետք է պատրաստ լինենք նոր մարտահրավերներին և ամենատարբեր բացասական սցենարներին և չկորցնենք զգոնությունը անվտանգության հարցերում»,- ասել է Նագիևը ։
